Imam Mahdi (ajtf) is alive(prove)

HOW CAN I PROVE TO MY SUNNI FRIEND THAT IMAM MAHDI (AJTF) IS CURRENTLY ALIVE?

Question:

How can I prove to my Sunni friend that Imam Mahdi (ajtf) is currently alive?

Answer:p

The easy way in short to prove the existence of Imam Mahdi (ajtf) to a Sunni is the following:

Premise 1: All Muslims agree that the Holy Quran is very explicit and clear that time will come that a universal just and Islamic state will be established when those whom been oppressed will lead the world. (Surah al-Anbi’a, Ayah 105)

Premise 2: It is narrated by Shi’a and Sunni narrators that:

a. The day of judgment will not come until a man from the offspring of the Prophet rises to spread peace and justice in the world. (Mosnad Ahmad 3:36 , H. 10920)

b. Whoever dies not knowing the Imam of his time has died the death of Ignorance (Kofr). (Muslim 3:239, H 1851)

c. Hadith al-Thaqalayn in which the Prophet (P) says: the Book of Allah and his Ahlul-Bayt (P) will never be separated until they join him at the Pool of Kouthar. (Mostadrak al-Hakim 3:10)

d. 12 Imams: The Prophet foretold that the Kholafa (successors after him shall be 12 Imams, that are all from Qoraysh). (Muslim 3:220, H. 1821). This hadith can only apply to the 12 Imams of Ahlul-Bayt (a.s). Also, there is no doubt that Imam Askari (a.s) was marytred and died.

Conclusion: if Imam Mahdi is not born yet, then: there will be a separtion between the Quran and Ahlul-bayt (a.s) (violating premise 2/c), the Imams won’t be 12 (violation of premise 2/d.) and all contemporary Muslims die the death of Jahiliyah because there is no Imam of their time for them to know him (violation of premise 2/b).

Answered by: Sheikh Mansour Leghaei

Tahairi-e-loah

Tahairi-e-loah

Jo Parwardegar Apne Nabi-e-khas ko diya aur Apne Apni beti ko diya, Jab Imam Jaffar-e-Sadiq (a.s) iski ek tahairi Janabe Jabir bin Abdulla Ansari ke paas dekhar farmaya. Yeh sahi hai. 

Allah (SWT) hamsab ko taufiq-e-wilayat Ameeral Momineen Ali ibne Abi Talib (a.s) atta kare aur Hamare dilon ko ispe sabith rakhe aur is welayat pe hi maur aaye... Ameen

01 Janab-e-Zahra (SA) Farmati hain:-

Yeh woh laoh hai, Jo Parwardegar ki janib se Mere Baba Rasul Allah (saws)  ko hadiya ki gayi hai, Isme Mere Baba ka Naam, Mere Shauhar ka Naam, Mere Beton ke Naam aur Meri Aulad  mese paigambar Akram ke Janashinion ke Ismaa ko tahrir-o-sabth kiya gaya hai, Mere Baba ne yeh Takti Meri khoshi-o-Musarrat ki khatir Mujhe bakhsha hai.

(Reference Ehtejaj-e-Tabrisi V1 Pg106)

Bismillah Hir Rahman Hir Rahim,

Yeh ek nushtha Khuda-e-Aziz-O-Aleem ki janib se Uske Rasul (saws) keliye hai, Jo iska safeer-o-noor-o-rahenuma hai, Yeh nushtha Roh-ul-Ameen Jibrail ke zariye nazil huwa hai.

Allah (swt) farmata hai,

Ay Mere Rasul Mere Naam ka ehteram karo, Meri niyematon ke moqabil sukr guzarho aur Meri rahematon se ghaflat na karo Main jahan ka khaliq aur parwardegar qadir hoon, ke Mere elawa koyi Khuda nahi hai, Qatilon ki gardano ko toudne wala aur zalimon ko zalil-o khowar karnewala hoon, Qayamat ke Din logon ko saza donga. Mere elawa koyi khuda nahi hai Jo bhi Mere elawa kisi se rehmat ki ummeed aur afzal-o-ahsan ki tawaqqo rakkhega, ya jo dusre ke azaab-o-giraftari se khayef hoga usse sakht azaab aur shaded musybath me mubtala karonga ke woh jiska sabeqa na rakta hoga. Bas Tum sirf Meri Bandagi-o-Ebadat karo, Apne Omur Mujh par chodo aur Apne kamo me Mujhe Apna Wakil banao, Mutwajjeh raho ke Mainne kisi paigambar ko mabwos nahi  kiya magar uski mamuriyat ke ekhtetam par uska Khalifa-o-Janasheen muyain kiya, Mainne Tum ko dusre paigambaron par fazilat di hai aur Tumhare Owsiya ko dusron ke Owsiya par bulandi atta ki hai aur phir Tumhare dono se Ali (as) ke bête Hasan (as)-O-Husain (as) ke zariye bartari-o-fouqiyat enayat ki hai. Bas Hasan Ibne Ali (as) ko inke Pedar buzruqgawar ke baad Apne ilm ka modan makhzan karrar diya hai, inke baad Hussain ibne Ali (as) ko bhi Apne Amur-o-Rumooz ka khazin banaya aur shahadat ke martaba ke sabab inhain azmat-o-buzrugi di hai, saadat-o-kamiyabi par ekhtetam ki taufiq ussi se hai. Husain ibne Ali (as) Afzal-e-Shohda  aur Rahe-e-Khuda ke buzruqtarain Mujaheed hain, Mainne Apna Kalma Tama O Apni hujjat-e-kamela Ussi ke pas karrar di hai aur ussi ki Etrath-e-Tahera ki mohabbat ke wasile se logon ko sawab detahon aur inhe ki bughz-o-adawat ke sabab eqaab karonga aur Apni rahmat se bhi door karonga. Sabse pahla shakhs jo uski Aulad se muntakhab hoga Woh Ali ibne Hussain Abedin wa Owliya ki zeenat hoga inke baad inka beta Mohammad Baqr (as) hoga, Jo Apne jadh Rasul Allah (saws) ke mushaiba O uloom O haqayeq ka shagafta karnewala aur madan israr-o-hikmat hai, Uske ke baad unka beta Jafar al-Sadiq (as) hai jiski tardeed moujeb-e-halakat hai aur uski mukhalfat parwardegar ki mukhalfat-o-dushmani hai Maine uske ruthba ko buland kiya hai aur use uske pairokaron  aur itteba karnewalon ke darmiyan buzrug-o-musroor karonga. Uske ke baad logon ke darmiyan Musa ibne Jafar (as) ka intekhaab karonga jiske baad sakht musibath shadeed fitna tareki duniya ko gher legi lekin rishta haqiqat munqata nahi hoga aur hujjat-e-khuda logon se poshida nahi hogi Khuda ke Owliya-o-Dost nehaeth sabr-o-esteqamat se apne wazaef ko anjaam dete hain. Jab bhi kisine Mere Owliya ka inkaar kiya aur unke khelaaf raasta chala to goya usne Mera aur Meri nematton ka inkaar kiya hai Agar kisine Quran-e-Majeed ki kisi Ayat ko tabdil kiya to usne Parwardegar Alam par iftara pardazi ki rahe haq se inharaf karnealon aur haq par parda dalnewalon keliye azaab hai aur Mere bande aur Mere Habib ke aiyam-e-hayat khatam hone par jo log inkaar O iftara O tohmath ka agaaz karain unkeliye bhi wael aur azaab-e-Khuda hai, Janlo ke jo bhi Mere 8ve wali Ali ibne Musa Al Raza (as) Ka munkir huva woh aysa hi hai ke Mere tamaam Owliya ka mukhalif-o-dushman huva kyunke woh Mera wali-o-Nasir hai, Nabowath ke boojh ko uske kandhe par rakkhonga Jo shakhs khodh pasandi ka shaitan hai woh Usse qatl karega aur Mere ek saleh bande  ke basaye huve shaher me badtarin shakhs ke pailu me dafan hoga, Uske janasheen O farzand Mohammad bin Ali (as) ko uski khanki chasham karaar donga Woh Apne pedar buzrugawar ke uloom ka waris hoga Woh madan-e-ilm O Mera maqam israr aur makhlooq me mohabbat-e-Khuda hoga Jo uspar emaan layega usko Apni Jannat me dakhil karonga aur woh apne khandaan ke 70 Ahle dozakh afraad ki shafaat karega, Woh akheri waqt me Apne bête Ali bin Mohammad (as) ke zarriye nek bakht-o-saadatmand  hoga yeh Mera Wali-o-Nasir Amin-e-wahi aur Meri makhlooq par gawah hoga Usse ek beta ba-naame Hasan bin Ali Askari paida hoga, Jo khazin-e-Uloom aur Rahe-e-Khuda ki taraf dawath denewala hoga, Phir Din-e-Khuda uske bête Hujjat-e-Haq Mohammad Bin Hasan (AS) ke zarriye mukammal hoga, Woh tamaam duniya keliye rahmat hoga Uske saath Kamal-e-Musa, Nooraniyat-e-Essa O Sabr-e-Ayub hoga, Woh Owliya-e-Khuda ke Sayed-o-Sardar hain, Uske Ayaam-e-Gaibath me Owliya-e-Khuda O Dostaan Parwardegar Zalil-o-khowar honge unke saron ko ek dusre ke paas ba-taor hadiya-o-taufa irsaal karainge goyeh woh log kafir-o-sitemger hain, kafir-o-sitemger ko qatl karainge, zamin unke khoon se ranggin hojaigi unke khadaano se nalah-o-faryaad ki sadain buland hongi. Mai inhi ke sabab har tarah ke  bahut sakht fitna-o-fasaad aur azaab shadeed ko bartaraf karonga, Un logon par parwardegar ki rahmat aur Uska durood ho. Jo Manta-o-Janta hai ki sirf Main khuda hoon, Mohammad ibne Abdulla Mere bande aur Rasul hain, Ali ibne Abi Talib makhlooq me Mere khalifa hain aur ubke farzandon me se dusre Aiyamma Meri Hujjat hain, Main usse  Apni rahmat ke sabab jannat me dakhil karonga aur Apni bakhshish ke waza se dozakh se najjat doonga, Jisne Meri wadaniyat ki gawahi nahi di ya Mere bande Mohammad bin Abdulla ki Nabuwat-o-Resalat ki gawahi nahi di ya Ali ibne Abi Talib ki wilayat-o-khelafat ka iqrar nahi kiya ya Unke 11 farzand Mere Owliya O Meri Hujjat ko taslim nahi kiya to usne Meri neyammat ka inkaar kiya aur Meri Azmat-o-zalalat ko choda aur kam shumar kiya aur Meri Asmani kitabon ki Ayat ka inkaar kiya. Aysa shakhs agar Meri taraf ayae to Main uske samne parde daal doonga.

Jabir bin Abdulla Ansari kade huve aur kaha Ya Rasul Allah (saws) Ali (as) ki Aulad me se kaun Imam-o-Peshwa honge?

Hazrat Rasul Allah (saws)  ne Farmaya:-

Pahle aur dusre Ahle jannat ke sardar Hasan-O-Husain hain, Tisre Apne zamana ke Abedin ka sardar Ali ibne Hussain hain, Chawthe BAQAR ULOOM Mohammad ibne Ali hain, Ay Jabir tum Unka zamana pawoge Inhe Mere sallam pawchadena, Panchwe Jafar bin Mohammad Sadiq hain. 6 Kazim Moosa bin Jafar hain, 7 Raza Ali ibne Moosa hain 8 Taqi Mohammad bin Ali hain 9 Naqi Ali bin Mohammad hain 10 Hasan bin Ali hain 11 Unke bête Mehdi-e-Qaim Bil-Haq Saheb-e-Zaman Mohammad bin Hasan hain, Jo zamin ke zulm-o-zaor se pur honge ke baad Adl-o-Insaf se pur kardenge.

Ay Jabir yeh 11 afraad Mere Khalifa-O-Owsiya aur Meri itrath O Mere Farzand hain, Jisne inki etaat ki goya usne Meri etaat ki jisne inki mukhalfat ki goya usne Meri mukhalfat ki Jisne Inme se kisi ek ka inkaar kiya goya usne Mera inkaar kiya, Khudawand-e-Alam Owliya-e-Haq ne un Owliya-e-Haq ke sabab Aasmano ko soqut karne se roke rakkha hai aur zamin ki uske Harkat-o-Lagzish se hefazat karta hai

Abu Basir:- Ne kaha agar tum tamam zindagi  me sirf kisi ek Hadis ko yaad karlo aur samaj lo, to tumhare waste kafi hai, Han usse diqqat-o-tadabbur se mahfooz karlo aur be-isteda ashkhas se bachaye rakkho....

Reference Ehtejaj-e-Tabarsi Volume 1 Page 📄 107 to 111

Quran-e-Majeed me moktalif jaga par hai ke Rasul (saws) Aap Daranewale hain,

"JAHANNAM KI AAG SE"

Aimma (as) Farmate hain- Agar puri duniya Wilayat-e-Ali (a.s) par zama hojati to Khuda jahannam ko kalaq hi na karta,

Tafseer-e-Qummi V1.Pg363 "Kala Rasul Allah Sallaho wa Aalayhi wa Sallam Al Mesak fil Zar min Wilayat-e-Ameeral Momineen wal Aimma Alaihis Salam

" URDU TRANSLATE"
Yeh ahad Wilayat Ali (as) ki gawahi ko Belafasal Tauheed-O-Resalat ke saath milane ka tha aur jo qata karte hain wohi JAHANNAMI hain.

Imam Ali (as) ki fazilat

Allama Irfan Haider Abidi ke Azeem tareekhi jumlay pesh hai..

Ali(as) ki fazilat ya muqaddar:

"Mujh talib e ilm ke saari zindagi ye samajh nahi aaya muqaddar jab bhi chamka Ali ka hi chamka. Taqdeer jab bhi razi hui Ali pe hi razi hui.

1) Ali kaabe mein aaye...
Ye Ali ka muqaddar

2) Teen din Ali ki maa Allah ke ghar mehmaan ban kar bethi...
Ye bhi Ali ka muqaddar.

3) Teen din arsh se rotiya pak pak kar farsh pe aati rahi...
Ye bhi Ali ka muqaddar

4) Teen din farishte ghulami karte rahe...
Ye bhi Ali ka muqaddar.

5) Hurain kaneezi karti rahein...
Ye bhi Ali ka muqaddar.

6) Teesrey din Mohammed ne Ali ko hatho pe uthaya...
Ye bhi Ali ka muqaddar.

7) Nabi ne Ali ko zuban chusai...
Ye bhi Ali ka muqaddar

8) Nabi Ali ko lekar apne ghar aa gaye...
Ye bhi Ali ka muqaddar

9) Jhuley mein azdahe ko 2 hisso me cheer kar rakh diya...
Ye bhi Ali ka muqaddar

10) Abu jehal ke mooh par tamaacha maara...
Ye bhi Ali ka muqaddar

11) Khajooroun ki guthlioun ke saath mushriko ke baccho se tere Mohammed ki hifazat karta raha... Ye bhi Ali ka muqaddar.

12) Pani ki mashk apni kamar me rakh ke jakey dar e Mohammed par bulata raha....
Ye bhi Ali ka muqaddar..

13) Khatre ke bister pe Mohammed ban kar sou gaya...
Ye bhi Ali ka muqaddar.

14) Mohammed ki amanatein wapis karta raha...
Ye bhi Ali ka muqaddar

15) Mohammed ne Ali ko apna bhai bana liya...
Ye bhi Ali ka muqaddar

16) Khaiber ka darwaza hawa me uda diya...
Ye bhi Ali ka muqaddar.

17) Ohad me tera Mohammed bacha liya...
Ye bhi Ali ka muqaddar

18) Khandak me kulle imaan banaa...
Ye bhi Ali ka muqaddar

19) Yasrab o deen bana....
Ye bhi Ali ka muqaddar

20) Fatah e darain bana...
Ye bhi Ali ka muqaddar.

21) Nukta e bay Bismillah bana...
Ye bhi Ali ka muqaddar

22) Angothi zakat me di, ayat e Quran ki utar di....
Ye bhi Ali ka muqaddar.

23) Aasmaan ka sitara darwaze pe kamni bana..kar khada kar diya...
Ye bhi Ali ka muqaddar..

24)  Zehra jaisi biwi ka shohar bana Ye bhi Ali ka muqaddar

25) Hasnain ka baba bana...
Ye bhi Ali ka muqaddar

26) Tere Mohammed ke haatho apna elaan e wilayat karaya...
Ye bhi Ali ka muqaddar

27) Tere Nabi ko gusal diya...
Ye bhi Ali ka muqaddar

28) Tere Nabi ka janaza padha...
Ye bhi Ali ka muqaddar

Agar ye sab Ali ka muqaddar hai phir Ali muqaddar ka mohtaj nahi muqaddar mere Ali ka mohtaj hai!!!!"
↑↑↑ Nara e Haideri...↑↑↑
Yaa Ali(a.s)!!

MOHARRAM (AYYAM E AZAA)

1. Imam Reza (as):
Hum Moharram ke manaane ki taakeed is liye karte hain ke kahi'n tum Ghadeer ki tarah Ashura ko bhi na bhool jaao.
(Aqwaal e Masoomeen (as), p160)

2. Imam Sadiq (as)
ke ghar mein KABOOTAR bol raha tha. Aap ne apne sahabi se kaha, "Ye Kabootar La'nat aur nafree'n karta hai Qaatilaan e Husain (as) par. Lihaza, isko apne gharo'n mein paalo".
(Bihaar ul Anwaar, v1, p135)
(Tehzeeb ul Islam, p360)

3. Imam Sadiq (as)
ne sawaal kiya, "Kya tum mein se kisi ne Ullu (Owl / Ghuwad) ko din ke waqt dekha hai?" 
Jawab mila, "Nahi, wo din mein dikhayi nahi deta, sirf raat mein dikhaayi deta hai." 
Imam (as) ne kaha, "Ullu pehle sirf aabaad bastiyo'n mein rehte the magar jab Imam Husain (as) shaheed kiye gaye, tab se unhone aabaad bastiyo'n mein rehne se inkaar kar diya aur khandhar (ruins) ko hi apna ghar / thhikana banaya. Beshak, Ullu din mein Roza rakhte hain aur raat hone tak gham-zada rehte hain. Raat mein Imam Husain (as) par girya o zaari karte hain subah hone tak."
(Kaamil uz Ziyaraat, p101)

4. Imam Sadiq (as)
se puchha gaya ke, "Firon ko J. Musa (as) ko qatl karne se kisne roka jaise ke Quran mein hai 'Aur Firon kehne laga mujhe chhor do ke main Musa (as) ka qatl kar daaloo'n' (Surah 40, Ayat 26)?"
Imam (as) ne jawab diya, "Is liye ke Firon halaal-zada tha aur sirf wo jo na-jaayaz aulaad ho (haraam-zada ho) ya zaaniya (fornicator / vyabhichaari) aurat ki aulaad hi Paigambaro'n aur Hujjat e Khuda ko qatl kar sakte hain."
(Kaamil uz Ziyaraat, p83)

5. Imam Sadiq (as):
Qaatil e Yahya ibne Zakariya (as) aur qaatil e Imam Husain (as) walad uz zina tha (na-jaayaz aulaad thi) aur aasman kisi shakhs par nahi roya magar in dono'n buzurgo'n par.
(Bihaar ul Anwaar, v1, p134)

6. Imam Ali Reza(as):
Jo 1st Moharram ko Roza rakhkar Allah (swt) se Dua karega, Allah oski dua kabool karega jaise osne Hazrat Zakaria(AS) ki dua kabool ki aur beta H.Yahya (as) diya.
(Ooyun Akhbare Reza)

7. Hazrat Fatima Zahra (sa):
Paalne Waale! Mere bete Husain (as) par girya karne waalo'n ke liye meri Shafa'at qubool kar.
(Aqwaal e Masoomeen (as), p121)

8. Imam Sadiq (as):
Jo hamare masaaeb par aah o nalaa karte hain aur hamari khushi mein khush hote hain aur hamare gham mein ghamgeen hote ho, beshak ke tum marte waqt hamare Aaba o Ajdaad (as) ko apne paas haazir dekhoge aur wo tumhare baare mein Malekul Maut se sifaarish karenge aur tumhe aisi bashaarat denge ke marne se pehle tumhari aankhein munawwar ho jaayengi aur Malekul Maut tum par bachche ki nisbat Maa se bhi zyada meherbaan ho jayega.
(Aqwaal e Masoomeen (as), p121)

9. Imam e Zamana (atfs):
Salaam oon garebaano'n par jo Imam Husain (as) ke gham mein chaak huwe ho.
(Aqwaal e Masoomeen (as), p121)

10. Imam Baqir (as) :
Allah ne Karbala ko Kaa'be se 24000 Saal pehle paida kiya, yahan tak ke Roz-e-Qayamat Zameen-e-Karbala ko Farishtey Jannat me le jayenge aur Allah isey Bahisht ki Zameen par bhi Fazeelat dega.
(Zikr Al Masayeb Pg.104)

11. Riwayat:
H. Musa (as) ne apni munajat mein arz ki: "Khudawanada, Kis cheez ki wajah se Tu ne ummat e H. Muhammad (saww) ko baaqi ummato'n par fazilat di hai."
Allah Ta'ala ne farmaya: "Main ne unko 10 khaslato'n (characteristics) ki wajah se fazilat di hai."
H. Musa (as) ne arz ki: "Wo 10 khaslatein kaun si hain ke main bhi Bani Israel ko oon par amal karne ka hukm doo'n?"
Pus Khudawande Tabarak o Ta'ala ne Farmaya: "Namaz, Zakat, Roza, Hajj, Jihad, Jum'a, Jama'at, Quran, Ilm aur ASHURA."
H. Musa (as) ne arz ki: "Aye mere Parwardigaar! Ashura kya cheez hai?"
Farmaya: "H. Muhammad Mustafa (saww) ke nawaase (H. Husain ibne Ali (as)) par girya karna aur rona aur farzand e Mustafa (saww) ki musibat par marsiya-khwani aur Azadari karna. Aye Musa (as)! Mere bando'n mein se jo bhi oos zamane mein farzand e Mustafa (saww) par royega…ya unki Azadari karega oos ke liye Jannat waajib ho jayegi aur wo oos mein hamesha rahega."
"Jo banda bhi apne Nabi (H. Muhammad Mustafa (saww)) ki dukhtar ke pisar (Imam Husain (as)) ki mohabbat mein Ta'aam (khana) ya kisi aur soorat mein Ek Dirham kharch karega Main daar e duniya mein uske Ek Dirham ke badle 70 Dirham ki Barkat doonga aur wo shakhs Jannat mein ba-aafiyat hoga aur Main uske gunaho'n ko baksh doonga."
(Majma ul Bahrain)
(Aadab e Ahl e Mimbar - Ayatullah Mirza Husain Noori Tabrisi, p92-93)

12. Imam Husain (as):
Jo koi mere dard aur musibat ko yaad karke girya aur buka karega, Allah usay Jannat ataa karega.
(Mirqat Sharh Mishkaat p 277)

13. Imam Reza (as):
Daur e Jahilliyat mein bhi log Maah e Moharram ka ehteraam karte the aur is maah ki hurmat ki wajah se jung aur zulm se parhez karte the, lekin is ummat ne is mahine ki hurmat ko nahi pehchana aur apne Nabi (saww) ki hurmat ka khayaal nahi rakkha. Is mahine mein logo'n ne zurriyat e Paighambar (saww) ko qatl kiya aur mukhaddaraat e ismat ko qaid kiya aur unka samaan loota, Allah unhe kabhi maaf na kare.
(Uyoon Akhbaar ar Reza, v1, p520)

14. SHAHIDO’N KE LIYE RONA MUSTAHAB HAI

Riwayat:
Jab Rasule Khuda (saww) Jung e Uhad se laute aur unhone Sayyad ush Shohda J. Hamza ke ghar se girya o zaari nahi suni jab ke doosre shahido'n ke ghar se rone ki awaaz aa rahi thi, to aap ne kaha, "Kya koi khaatun nahi hai jo Hamza par girya kare?"
Jab Saad bin Maaz, Usaid bin Hazeer aur doosre Ansaar ne ye suna to wo apne apne ghar gaye aur aurato'n se kaha ke wo pehle J. Hamza ke ghar jaa-kar unpar girya kare phir apne Shahido'n par roye. Shaam ke waqt Ansaar ki khawaateen J. Hamza ke ghar gayi aur aadhi raat tak unpar girya kiya.
Jab Rasule Khuda (saww) bedaar huwe to unhone sawaal kiya ke ye rone awaaz kyu'n aa rahi hai?
Jab unhe haqeeqat bataayi gayi to wo khush huwe aur girya karne waali khawaateen ko ye keh-kar dua di ke, "Allah tum se raazi rahe aur tumhari aulaad se raazi rahe."
(Ye waaqaye Islami taarikh / history ki mash'hoor kitaab Rauzatus Safa, v2 aur Madarijunn Nabuwwah aur Maarijunn Nabuwwah wagairah mein naql kiya gaya hai)
(Understanding Kerbala - Allama Sayyid Saeed Akhtar Rizvi, p155)

15. Imam Sadiq (as):
Jo koi Imam Husain (as) ke liye nauha padhta hai aur 50 aadmiyo'n ko rulaata hai wo Jannat ka haqdaar ho jaata hai…. aur agar ek aadmi ko bhi rulaaye to bhi mustahaq e Behisht hai aur jo nauha khud hi padhe aur khud hi roye wo bhi Jannat ka haqdaar hai aur agar koi apni shakal rone waali shakal banaye to uske liye bhi Behisht (Jannat) hai.
(Amaali - Shaikh Sadooq, Majlis 29, p140)

16. Imam Reza (as):
Jo shakhs hamari madah karte huwe sheyr kahe to Khuda wande Aalam uske liye jannat mein aisa ghar banata hai jo is DUNIYA se 7 guna badaa hai jisme har Malak e muqarrab aur har Nabi Mursal uski Ziyarat karega.
(Wasaail ush Shia, v10, p326)

17. Riwayat:
Pehle jis ne Qaatil e Husain ibne Ali (as) par La'nat ki H. Ibrahim Khaleelullah (as) the aur unhone hukm kiya apne farzando'n ko aur unse ahed o paimaan (promise) liya ki hamesha is mal'oon par la'nat karein. H. Ibrahim (as) ke baad H. Musa (as) ne uspar La'nat ki aur apni ummat ko hukm kiya ke la'nat karein. Unke baad H. Dawood (as) ne La'nat ki aur Bani Israel ko hukm kiya ke oos shaqi par La'nat karein. Unke baad H. Isa (as) ne oos par La'nat ki….
(Bihaar ul Anwaar, v1, p133)

18. Rasule Khuda (saww):
H. Haroon (as) ki wafaat ke baad H. Musa (as) ne apne Parwardigaar se darkhwaast karte huwe kaha, "Parwardigaar, mera bhai Haroon inteqaal kar gaya, Tu unki maghferat farma."
Allah Ta'ala ne unhe Wahi ki, "Musa! Agar aap Husain ibne Ali (as) ke qaatil ke alaawa Mujh se awwalin o aakherin ke mutalliq maghferat talab karein to Main aap ki darkhwaast ko qubool karunga. Lekin Main Husain (as) ke qaatil se zaroor inteqaam loonga".
(Uyoon Akhbaar ar Reza, v2, p113)

19. Imam Baqir (as):
Allah Ta’ala ne Imam Husain (as) ki shahadat ke evaz Imamat ko aap ki aulaad mein qaraar diya hai aur aap ki qabr ki mitti shifa qaraar di hai aur aap ki qabr ko Duao’n ke qubool hone ki jagah qaraar diya hai aur koi zamana aisa nahi hoga ke uspar zaaireen ka aana aur jaana na laga rahega.
(Amaali – Shaikh Toosi, v2, 419)

20. Imam Sadiq (as):
Qabr e Imam Husain (as) par 4000 Farishte ma'moor hain, jinke saro'n par khaak hai aur wo haalat e girya mein hain. Jo maarefat ke saath Ziyarat ko jaata hai, uske saath hote hain. Agar wo beemar ho jaaye to subah o shaam uski ziyarat karte hain aur agar wo mar jaaye to uske janaaze mein shirkat karte hain aur Qayamat tak uske liye Astaghfaar karte hain.
(Aqwaal e Masoomeen (as), p105)

21. Imam Sadiq (as):
Agar koi shakhs 1000 baar Hajj ke liye jaaye lekin Qabr e Husain (as) ki Ziyarat na kare, usne Allah ke huqooq mein se ek haq adaa nahi kiya.
(Aqwaal e Masoomeen (as), p105)

22. Imam Reza (as):
Jab Qaem e Aal e Muhammad (atfs) khurooj karenge to Qaatilaan e Imam Husain (as) ki aulaad ko unke aabaa (purvaj / forefathers) ke af'aal (kaarya / deeds) ki wajah se is liye qatl karenge ke wo apne aabaa ke is kaam par raazi honge aur wo is par fakhr karte honge; aur kisi ke kaam par raazi hone wala oos ke karne wale ke jaisa hota raazi ho to wo bhi Allah ki nazar mein qaatil ka shareek qaraar paata hai. H. Qaem (as) unhe unki razaa-mandi ki wajah se qatl karenge.
(Tafseer Noor us Saqlain, v3, p317)

23. Imam Sadiq (as):
Allah Ta'ala ne Farishto'n ki tadaad se zyada koi makhlooq khalq nahi farmaayi. Malaaika sab se zyada hain. Har roz 70000 Malaaika Bait e M'amoor par naazil hote hain aur phir uska tawaaf karte hain. Jab wo uska tawaaf kar lete hain to Kaabe par naazil hote hain. Jab Kaabe ka tawaaf kar lete hain to qabr e Nabi (saww) ke paas aate hain aur aap ko salaam karte hain. Phir wo qabr e Imam Husain (as) par aate hain aur aap ko Salaam karte hain aur Salaam karne ke baad dobara aasmaan ki taraf parwaaz kar jaate hain aur Qayamat tak oon jaise Farishte har roz naazil hote rahenge…
(Amaali - Shaikh Toosi, v2, p171)

YA GAAZI 🙌

24. Imam Sajjad (as):
Allah Ta'ala Abbas (as) par Rahem kare, yaani Abbas ibn Ali (as) par Rahem kare. Unhone mere waalid ke liye isaar se kaam liya aur mere waalid ki hifaazat ke liye apni jaan ka nazrana pesh kiya. Unke haath qalam huwe. Unke haatho'n ke badle mein Khuda ne unhe 2 par ataa kiye hain. Wo Jafar bin Abu Taalib (as) ke jaise Malaaika ke saath Jannat mein parwaaz karte hain. Allah ke yahaa'n Abbas (as) ka wo maqaam hai ke Qayaamat ke din tamaam Shohda unpar rashk (irsha / envy) karenge.
(Tafseer Noor us Saqlain, v7, p118)

25. Imam Reza (as):
Jo shakhs Roz e Ashura apne kaamo'n se chhutti kare, to Allah uski duniya aur Aakherat mein haajaat poori karega aur jo koi Roz e Ashura ko huzn aur girya mein basar karega to Allah Roz e Qayamat uske liye khushi ataa karega aur Behisht (Jannat) mein uski aankhein hamare darje se raushan hongi aur jo koi Roz e Ashura ko roz e barkat banayega aur apne ghar mein maal ka zakhira karega to oos mein barkat na hogi aur Roz e Qayamat Yazeed la'een aur Obaidullah ibne Ziyaad la'een aur Umar ibne Sa'ad la'een ke saath dozakh ke sabse nichhle tabqe mein mehshoor hoga.
(Amaali - Shaikh Sadooq, Majlis 27)

26. MAQSAD E IMAM HUSAIN (as)

Imam Husain (as):
Mera khurooj na to kisi khud-pasandi, na akadd, na  fasaad aur na hi zulm ke liye hai. Maine to sirf apne Jad ki ummat ki islaah ke liye khurooj kiya hai. Main Amr bil Maaroof aur Nahi az Munkar karna chahta hoo’n aur apne Jad Muhammad Rasulallah (saww) aur apne baap Ali ibne Abi Taalib (as) ki seerat pe chalna chahta hoon.
(Aqwaal 14 Masumeen (as), p89)

27. Imam Sadiq (as)
se raawi ne sawaal kiya, "Main kabhi kabhi Imam Husain (as) ko yaad karta hoo'n to (jab unki yaad aaye to) kya karu'n?" 
Aap ne farmaya, "3 baar kaho SWALLALLAHU ALAIKA YA ABA ABDILLAH, kyun ki nazdeek se Salaam kiya jaaye ya duur se wo beher-haal oon tak pahunch jaata hai".
(Wasaail ush Shia, v10, p274)

28. Imam Baqir (as)
se Abi Hamza Shumali ne sawaal kiya, "Farzand e Rasool, kya aap hazraat sab ke sab Qaem bil Haq nahi hai?"
Aap ne farmaya,"Haa'n".
Abi Hamza ne arz kiya, "Phir Imam Qaem (atfs) ko Qaem kyun kehte hain?"
Aap ne farmaya, "Jab hamare Imam Husain (as) shaheed kar diye gaye to Malaika ne Allah Ta'ala ki baargaah mein rote huwe faryaad ki 'Aye hamare Allah aur hamare Maalik, jisne Tere Muntakhab ibne Muntakhab bande ko qatl kar diya oos se kya Tu ghaafil hai?' To Allah ne unki taraf Wahi ki, ke 'Aye Mere Malaika, be-qaraar na ho; Mujhe Apni izzat o jalaal ki qasam hain, zaroor unse inteqaam loonga chaahe kuchh arsey baad hi kyun na loo'n'. Phir Allah Ta'ala ne Imam Husain (as) ki aulaad mein jitne Aimma (Imam) the unse Malaika ke liye Hijaab ko hataya aur unhe dekh kar Malaika be-had khush huwe aur unhi Aimma (as) mein se ek Imam khada huwa Namaz padh raha tha. Allah Ta'ala ne farmaya, 'Main isi QAEM (yaani KHADE HUWE) ke zariye oon qaatilo'n se inteqaam loonga'."
(Elal ush Sharaaye, p120)

28. Imam Sadiq (as)
ne Surah 19, Ayat 7 "Hum ne is se pehle unka hum-naam koi nahi banaya hai" ki tafseer mein farmaya, "Na Husain ibne Ali (as) se pehle koi unka hum-naam tha aur na hi Yahya bin Zakaria (as) se pehle koi unka hum-naam, aur aasmaan ne inhi dono par 40 subah girya kiya".
Raawi ne puchha ke "Aasmaan ka girya kaisa tha"?
Aap ne farmaya, "Tulu (sunrise) ke waqt bhi aasman surkh (red) tha aur guroob (sunset)_ke waqt bhi".
(Kaamil uz Ziyaraat, p138)
(Kaamil uz Ziyaraat (Eng), p94)

30. Imam Sadiq (as):
Jo hamare masaaeb par aah o nalaa karte hain aur hamari khushi mein khush hote hain aur hamare gham mein ghamgeen hote ho, beshak ke tum marte waqt hamare Aaba o Ajdaad (as) ko apne paas haazir dekhoge aur wo tumhare baare mein Malekul Maut se sifaarish karenge aur tumhe aisi bashaarat denge ke marne se pehle tumhari aankhein munawwar ho jaayengi aur Malekul Maut tum par bachche ki nisbat Maa se bhi zyada meherbaan ho jayega.
(Aqwaal e Masoomeen (as), p121)

31. Riyaan Bin Shabeeb bayan karte hain…

Moharram ki ek tarikh thi, Main Apne Agha Hazrat Imam Ali Reza (a.s) ki kidmat me Majood tha, Aap Ne Farmaya Aye Ibne Shabeeb kiya tum Roze se ho.?
Maine arsh kiya nahi…
Aap Ne Farmaya,
Aaj woh Roz hai Jis Roz Hazrat Zakariyya (a.s) Ne Barqa-e-Khudawandi me Arsh ki thi..
Aye Parwardegar! Mujhe Nek-O-Saleh Aulad Atta Farma kyun ke tuh hi dua Sunewala hai Ale Imran Ayat 38..
Khudawand-e-Tala Ne unki dua qabool farmaya, Bas Malayeka Ne inhain ush waqt Janab-e-Yahya (a.s) ki khush khabri di Jis waqt woh Meherab-e-Ibadat me masroof the, Bas Jo Shakhs is Din Roza rakhe aur dua Maange qabool hogi, kyunke Janab-e-Zakariyya (a.s) ki dua qabool hoyi, Phir Aap (a.s) Ne farmaya, Aye ibne Shabeeb! Moharram woh maah hai, Jisme Zamane-e-Jehaliyat me log Jung-O-Jidal band kardete the, is maah ki hurmat ka khayaal rakhte the, lekin ish ummat Ne is maah ki Hurmat ka koyi khayaal Na rakha aur Na Paigamber ki  Hurmat ka khayaal rakha, Ish Maah me Paigamber ki Aal se Jung ki aur unki Khowateen aur Bachon ko Qaidi banaya aur unke khayaam ko loot liya, Bas Khudawand-e-Tala Ayse logon kabhi maaf nahi farmayega, Aye ibne Shabeeb! Agar tum kisi Amr keliye Rona chaho toh Husain ibne Ali (a.s) ki mazlumiyat par Rona, kyunke inhain Beyaar-O-Madadgaar aur gusfand ki tarah bedardi se zibah kiya gaya, Unke 18 Jawano ko Shaheed kiya gaya, Jin ka misaal zamane me Na tha, Woh toh Woh hain, Jis par tamaaam Zaminne aur Aasmaan Roye, Char Hazaar Malayeka Aasmaan se unki Nusrat keliye karbala me Aaye toh Woh ush waqt Shaheed ho chuke the, Bas woh Farishte Apne Balon ko khool kar un me Mitti Rawa kar, Aap (a.s) ki Qabr-e-Mutahar par Imam-e-Zamaan (afts) ke zahoor tak girya kun rahenge, Phir woh Farishte Imam-e-Zamaan (afts) ki Nusrat karenge aur Maidan-e-Jung me unka Nara “Ya Saratil Husain (as) hoga”
Aye ibne Shabeeb! Mujhe Apne Aba-O-Ajdad ki taraf se yeh khabar di gayi hai, Jis waqt Mere Dada Imam Husain (a.s) ko shaheed kiya gaya toh Aasmaan se khaak-O-Khoon ki Barish hoyi..
Aye Pesar-e-Shabeeb! Agar toh Imam Husain (a.s) par roye aur Aanso tere ruksaar par jari hojayen toh Khudawand-e-Tala tere tamaam gunah-e-Sagheera O Khabeera maaf kar dega chahe woh jetne bhi hoon…
Aye Pesar-e-Shabeeb! Agar toh chaheta hai Khudawand-e-Tala se mulaqaat ho aur tere tamaam gunah maaf hojayen toh Imam Husain (a.s) ki zayarat kar, Agar toh chaheta hai Rasool Allah (saws) aur Aimma-e-Taherin (a.s) ke saat Bahisht ke sabse Ounche Mahalat me Baqiya zindagi Basar kare toh Qatilan-e-Imam Husain (a.s) par Lanat kar, Agar toh Chaheta hai Shaheed-e-Karbala ka sawaab mile toh Jab inki koyi musibat tere samne aaye toh apni zubaan par yeh kalma jari kar “ Aye kaash Main Tumhare saat hota aur Azeem kamiyaabi Haseel karta” Agar toh chaheta hai bahisht ke Buland-O-Bala darjaat me Hamare saat rahe, Hamare Gam me Ghamgheen aur Hamari Khoshi me Khosh rahe, Toh Hamesha Hamari Welayat par rahena aur Hamari Mohabbat me zindagi basar karna, Yaad rakh Agar koyi kisi pathar ke ssat Mohabbat rakhta hai, toh woh Aadmi ush pathar ke saat mahshoor hoga.
(Ramz-e-Musibat Volume 1 Page 50 to 52)