MAUT SE QABR TAK (HADITH)

MAUT SE QABR TAK

(APPROX 100 SELECTED HADITH
- DO NOT MISS EVEN A SINGLE ONE)

Holy Quran:
Aur Tauba oon logo'n ke liye NAHI hai jo (zindagi bhar) buraaiya'n karte hain aur phir jab maut saamne aa jaati hai to kehte hain ke ab humne Tauba ki, aur na un ke liye Tauba hai jo haalat e Kufr mein mar jaate hain, aise hi logo'n ke vaaste Hum ne DARDNAAK AZAAB taiyar kar rakkha hai.
(Surah Nisa, Surah 4, Ayah18)

Imam Ali (as):
Maut ki yaad duniya kay asbaab ko aasaan kareygi.
(Tajalliyat Al-Hikmah, Chap 200, Hadees 33, page-no 459)

Imam Ali (a.s):
Jo Shaqs maut ko apni aakhon kay samney tasavwur  karta hai, Duniya kay (sakht) kaam uss kay liyie asaan ho jatey hain.
(Tajalliyat Al-Hikmah, Chap 200, Hadees 38, page-no 460)

1. Rasule Khuda (saww):
Tum mein se koi shakhs kabhi maut ki tamanna na kare balke yu'n kahe,
"Ya Allah! Mujhe oos waqt tak zinda rakh jab tak zindagi mere liye behtar hai aur mujhe oos waqt maut de jab maut mere liye behtar ho".
(Wasaail Ush Shia, v2, p127)

2. Rasule Khuda (saww):
se ek shakhs ne kaha ke kya wajah hai ke mujhe Maut se nafrat hai? 
Aap ne farmaya, "Kya tere paas maal o daulat hai?" 
Usne ne kaha, "Jee haa'n." 
Aap ne farmaya, "Maal o Daulat Allah ki raah mein kharch kar ke aage bhej de." 
Usne kaha, "Main aisa nahi kar sakta." 
Aap ne farmaya, "Insaan ka dil Maal o Daulat ke saath hota hai. Agar daulat ko insaan aage rawana kar de to wo khud bhi aage jaana pasand karta hai, aur agar Maal o Daulat duniya mein apne paas rakhe to uska dil duniya chhorne par taiyar nahi hota."
(Tafseer Noor us Saqlain, v7, p145)

3. INSAAN KA APNE LIYE MAUT KI KHWAAISH KARNA MAKROOH HAI

i) Riwaayat:
Ek baar H. Rasule Khuda (saww) ek beemar ki mizaaj pursi ke liye tashreef le gaye. 
Usne (apne beemari se dil bardaashta ho kar) marne ki khwaaish zaahir ki. 
Aap (saww) ne farmaya,  "Maut ki khwaaish na kar, kyun ki agar tu neku-kaar hai to mazeed zinda rehne se teri nekiyo'n mein izafa hoga aur agar tu gunaah-gaar hai to tujhe is taakhir se Khuda ko raazi karne ka mauqa milega. (Beher haal) Maut ki khwaaish na kiya karo".
(Wasaail ush Shia, v2, p127)

ii) Imam Sadiq (as)
se ek shakhs ne kaha, "Main zindagi se ukta gaya (kantaal gaya) hoon, main Allah se Maut ki tamanna karta hoon." 
Imam (as) ne farmaya, "Zindagi ki qeemat ye hai ke tum ita'at karo aur na-farmani na karo. Lihaza, agar tum zinda raho aur ita'at karo to ye tumhare liye Maut se behtar hai jisme tum na to ita'at kar sakte ho aur na hi na-farmani kar sakte ho."
(Uyoon Akhbaar ar Reza, v2, p28)

4. Aalim e Deen ki Maut
i) Imam Sadiq (as):
Shaitaan ki liye Aalim e Deen ki Maut har Momin ki Maut se zyada mehboob hai.
(Usool e Kaafi, v1, p82)

ii) Imam Kazim (as):
Jab koi Momin Faqih MAR jaata hai to Farishte uske liye rote hain aur zameen ke wo hisse rote hain jin par usne Allah(swt) ki Ibaadat ki ho.
(Usool e Kaafi, v1, p83)

5. SUICIDE

i)Imam Baqir (as):
Momin har balaa mein mubtela hota hai aur har tarah ki maut marta hai lekin wo khud-kushi (suicide) nahi karta.
(Furoo e Kafi, v1, p270)

 ii)Imam Sadiq (as):
Jo shakhs khud amadan (jaan bujh kar) apne ko qatl kar le (suicide kar le) to wo Jahannum mein hamesha hamesha ke liye jayega.
(Man La Yahzarahul Faqeeh, v3, p62)

iii)Imam Sadiq (as):
Jo shakhs khudkushi (Suicide) karega wo Jahannum mein HAMESHA ke liye rahega.
(Sawaabul Aamaal & Iqaabul Aaamal)

6. WASIYYAT

i)Imam Sadiq (as):
Jab kisi marne waale ki maut ka waqt aata hai to Khuda wande Aalam uski aql aur sun'ne aur dekhne ki quwwat ko wasiyyat karne ke liye lauta deta hai. Ab uski marzi par munhasir hai ke wasiyyat kare ya na kare. Yehi wo raahat hai jise Raahat ul Maut kaha jaata hai. Ye har musalmaan par laazim hai.
(Wasaail ush Shia, v2, p124)

ii)Riwaayat:
Khuda wande Aalam farmata hai, "Aye Farzand e Adam! Maine tujh par 3 ehsaan kiye hain:
1) Maine tere gunaaho'n par parda daala hai agar tere ghar waalo'n ko unka pataa chal jaata to tujhe dafn na karte,
2) Maine tujhe Rizq e wasi ataa kiya aur phir tujh se qarz maanga magar tu ne koi bhalaai aage na bheji,
3) Maine tujhe maut ke waqt 1/3rd maal mein wasiyyat karne ki mohlat di magar tu ne aage koi khairaat na bheji.
(Wasaail ush Shia, v2, p125)

iii)Imam Ali (as):
Jo shakhs (apne maal ke baare mein) is tarah wasiyyat kar jaaye ke na kisi (waaris) par jafaa kare aur na hi kisi ko nuksaan pahunchaaye to wo aisa samjha jayega ke jaise zindagi mein apna maal sadqa de diya.
(Wasaail ush Shia, v2, p125)

7. SADQA

i)Rasule Khuda (saww):
Ek shakhs ka apni zindagi mein EK chandi ka sikka khairat mein dena maut ke waqt 100 sikke dene se behtar hai.
(Uddatud Daai)

ii)Imam Ali Reza (as):
"Sadqah baraee (hatman) maut ko rok deta hai ."
(Behar ul Anwar Vol 5, pg 479)

8. MARNE WALE SE KYA DOHRAYA JAAYE

i)Imam Sadiq (as):
Jab tum kisi marne waale ke paas jao to usay Shahadatain ki Talqeen karo, yaani LA ILAAHA ILLALLAHU WAHDAHU LA SHAREEKA LA, WA 'ANNA MUHAMMADAN ABDUHU WA RASULOH padhao.
(Wasaail ush Shia, v2, p130)

ii)Rasule Khuda (saww):
Marne wale se LA ILAHA ILLALLAH dohrane kaho, kyun ki jiske aakhri alfaaz LAA ILAAHA ILLALLAH hoge, wo Jannat mein jayega.
(Rules Relating to the Deceased)

iii)Rasule Khuda (saww):
Jo shakhs bhi mujh par Zyada SALWAAT bhejta hai wo Maut ki kadwaahat aur jaan nikalne ki takleef se mehfuuz rahega.
(Fazaael e Salwaat)

9. MARNE WAALE KO KAHAA'N AUR KAISE SULANA CHAHIYE

i)Riwaayat:
Jab marne waale ki jaa'n-kani sakht ho jaaye to usay oos jagah muntaqil (transfer) karo jahaa'n wo Namaz padhta tha ya uski jaaye-Namaz (musalle) par rakho jis par Namaz padhta tha.
(Wasaail ush Shia, v2, p136)

ii)Imam Sadiq (as):
Jab kisi par Niz'a (dum nikalne ka) waqt sakht ho to usay oos jagah muntaqil (transfer) kar do jahaa'n wo Namaz padhaa karta tha.
(Furoo e Kafi, v1, p277)

iii)Rasule Khuda (saww):
Marne wale ko ru-ba-qibla (Qibla-rukh) karo (uska chehra aur dono qadmo'n ke talwe Qible ki taraf kiye jaayein). Jab aisa karoge to Malaika uski taraf mutawajjeh honge aur Khuda bhi uski taraf mutawajjeh hoga (uspar Rehmat naazil karega) aur jab tak uski Ruuh qabz na ho jaaye wo barabar usi haalat mein rahe (taaki Khuda aur Uske Malaaika ki tawajjoh ka markaz bana rahe)
(Wasaail ush Shia, v2, p130)

10. TAHAARAT
i)Rasule Khuda (saww):
Agar ho sakey to din raat paak aur taahir raho; agar tum is haalat mein (tahaarat, wuzoo ke saath) MAR gaye to tum SHAHEED ki maut maroge.
(Amaali - Shaikh Mufeed, p112)

ii) Rasule Khuda (saww):
Agar Juma ke din ya uski raat koi Mar jaaye to wo Shahadat ka martaba payega aur Roz e Qayamat aman aur salaamati se uthhega....
(Furoo e Kafi,v2, p210)

11. NAJAASAT
Imam Sajjad (as):
Koi zee Ruuh (jaan-dar / living creature) nahi'n marta jab tak wo Nutfa khaarij na ho jis se wo paida huwa hai, chaahe wo mu'nh se nikle ya kahi'n aur se.
(Furoo e Kafi, v1, p298)
 

12. Rasule Khuda (saww):
Tum mein se koi shakhs oos waqt tak na mare jab tak Khuda e Azz wa Jall ke baare mein Husn e Zann (positive opinion) na rakkhe, kyun ki Khuda ke (Afwo Safh aur Uske Rehm o Karam ke) mutalliq Husn e Zann rakhna Jannat ki qeemat hai.
(Wasaail ush Shia, v2, p126)

13. ROOH NIKALNE KI TAKLEEF AUR SHIDDAT
i) Imam Sadiq (as):
Ek martaba  H. Isa (as) ne H. Yahya (as) ki qabr pe aakar unko zinda kiya aur kaha ke 'Main chaahta hoon ke tum Tableegh mein meri madad karo'.
H. Yahya (as) ne jawab diya 'Jaa'n kani (Dum nikalne) ki shiddat aur takleef main ABHI TAK NAHI bhoola. Tum mujhe phir oosi takleef mein mubtela karna chaahte ho?'
(Roohul Hayaat)

ii) Imam Sadiq (as):
Malekul Maut auqaat e Namaz ke waqt 5 baar logo'n ko gaur se dekhta hai, pus jo shakhs hamesha paabandi e waqt se Namaz padhta hai to Malekul Maut usay marte waqt Tauheed aur Risaalat ki Talqeen karta hai aur Shaitaan ko uske paas se duur karta hai.
(Wasaail ush Shia, v2, p131)

14. MOMIN KI MAUT KI NISHANIYA’N

i)Imam Sadiq (as):
Maut ke waqt Momin ki zabaan bund ho jaati hai (bargaah e Ilaahi mein haazri ke khauf se).
(Man La Yahzarahul Faqeeh, v1, p97)

ii)Imam Baqir (as):
Momin ki nishaani ye hai ke jab uski Maut ka waqt aata hai to uske chehre ka rang jita sufaid tha oos se zyada sufaid aur raushan ho jaata hai, pehsaani par paseena aane lagta hai, uski aankho’n se aansuo’n ki tarah rutubat behne lagti hai; to yehi uski Ruuh nikalne ki nishaani hai…
(Man La Yahzarahul Faqeeh, v1, p100)

 
15. SHAITAAN KI KOSHISH
Imam Sadiq (as):
Jab koi bhi shakhs marne lagta hai to Iblees La'een apne Shaitaano'n mein se kisi Shaitaan ko muqarrar kar deta hai jo marne waale ko kaafir ban'ne aur Deen o Imaan mein shak karne ki raghbat dilata hai. Aur ye silsila uski Ruuh nikalne tak barabar jaari rehta hai. Pus jo shakhs Momin hota hai pus uspar Shaitaan tasallut haasil nahi kar sakta, is liye jab tum marne waalo'n ke paas jaao to unhe marte dum tak Shahadat e Tauheed aur Risaalat ki talqeen kiya karo.
(Wasaail ush Shia, v2, p130)

16. MOMIN MAUT SE PEHLE JANNAT MEIN APNI JAGAH DEKHTA HAI

i)Imam Sadiq (as):
Jab MOMIN ki jaan uske galey mein jaa-kar atak jaati hai to wo Jannat mein apna maqaam dekh leta hai aur kehta hai, “Zara mujhe chhoro, jo kuchh maine dekha hai wo apne ghar waalo’n ko bataa doo’n”. To oos se kaha jaata hai ke iski koi sabeel (gunjaaish) nahi.
(Man La Yahzarahul Faqeeh, v1, p101)

ii)Imam Sadiq (as):
MOMIN is duniya se apni marzi ke baghair kooch (depart) nahi karta aur ye is tarah ke Allah Ta’ala uske saamne se pardey uthha deta hai yahaa’n tak ke wo Jannat mein apni jagah aur jo kuchh Allah Ta’ala ne uske liye wahaa’n faraham kar rakha hai usay dekh leta hai. Aur phir Duniya ko bhi uske liye behtareen taur par aarasta kar (sajaa) ke pesh karta hai aur usay ikhtiyaar hai ke oon dono mein se jise chaahe apne liye muntakhab (select) kare. To wo apne liye wo muntakhab karta hai jo Allah Ta’ala ne faraham kiya huwa hai aur kehta hai ke main is duniya aur uski balaao’n aur musibato’n mein reh kar kya karunga…
(Man La Yahzarahul Faqeeh, v1, p99)

17. BUUDH KE DIN MAUT
Imam Ali (as):
Jo Momin Buudh (Wednesday)  ke din mare to Allah usay Aakherat ke nuksaan se mehfooz rakhega aur usay Apni pados ki sa'adat naseeb karega aur Apne fazl se usay umda rihaaish (ghar) ataa karega, jahaa'n usay kisi tarah ki mashaqqat aur susti ka saamna nahi karna padega.
(Tafseer Noor us Saqlai n, v7, p152)

18. MALEKUL MAUT

i)Imam Sadiq (as):
Jab kisi ke marne ka waqt aata hai to Malekul Maut usay tasalli dete hain…
(Furoo e Kafi, v1, p349)

ii)Imam Sadiq (as):
Malekul Maut auqaat e Namaz ke waqt 5 baar logo'n ko gaur se dekhta hai, pus jo shakhs hamesha paabandi e waqt se Namaz padhta hai to Malekul Maut usay marte waqt Tauheed aur Risaalat ki Talqeen karta hai aur Shaitaan ko uske paas se duur karta hai.
(Wasaail ush Shia, v2, p131)

iii)Imam Sadiq (as):
se Abu Baseer ne poochha, "Malekul Maut oos shakhs ko jaante hain jiski Ruuh qabz karna hoti hai?" Aap ne farmaya, "Nahi, aasmaan se ek tehreer (written note) aati hai ke fulaa'n fulaa'n ki Ruuh qabz karo".
(Furoo e Kafi, v1, p352)

iv)Imam Sadiq (as):
Ek martaba Malekul Maut se puchha gaya ke kuchh log maghrib (west) mein hote hain aur kuchh log mashriq (east) mein, to tum oon sab ki arwaah (ruuh) ek hi waqt mein kaise qabz karte ho? Unhone jawaab mein kaha, “Main oon sab (arwaah) ko pukarta hoon, wo mere paas aa jaati hai. Ye saari duniya mere saamne aisi hai jaise tum logo’n mein se kisi ke saamne ek pyaala ho jis se wo jo chaahta hai khaata hai; aur ye duniya mere nazdeek aisi hai jaise tum logo’n mein se kisi ke haath mein ek dirham (coin) ho ke jaise chaahe usko ulte palte".
(Man La Yahzarahul Faqeeh, v1, p99)

V)Imam Baqir (as):
Malekul Maut ki nigaah karne ki soorat ye hai ke jaise log baithe ho'n aur unhe saktah (laqwah / paralysis) ho jaaye aur wo baat karne ke qaabil na rahein. Ye haalat hoti hai jab Malekul Maut unko dekhta hai.
(Furoo e Kafi, v1, p354)

19. MAHE RAJAB

i)Riwaayat:
Jo shakhs Surah Yaseen ko sone se pehle padhe aur Namaz e Lailatul Raghaib padhe wo wehshat e qabr se mehfooz rahega. (Ye Namaz maah e Rajab ki pehli shab e Juma ko Maghrib aur Isha ke darmiyaan padhi jaati hai aur iska tariqa Mafaati wagairah meinmaujood hai)
(Manazilul Aakkhira, p47)

ii)Rasule Khuda (saww):
Jo shakhs 7th Rajab ki shab ko 4 rakaat Namaz is tarah padhe ke har rakaat mein Surah Fatiha ke baad 3 baar Surah Tauheed, aur ek ek baar Surah Falaq aur Surah Naas padhe. Namaz ke baad Salwaat aur Tasbeehaat e Arba 10 - 10 martaba padhe, to Khallaq e Aalam usay Arsh ke saaye mein jagah dega aur Maah e Ramzaan ke rozadaar ke mutabiq sawaab ataa karega. Aur Namaaz poori hone tak Malaika uske liye Astaghfaar karte rahenge aur uske liye Sakraat e Maut ko aasaan aur Fishaar e Qabr duur farmayega aur wo duniya se oos waqt tak nahi uthhega jab tak wo Jannat mein apni jagah apni aankho'n se na dekh le aur wo Mehshar ki sakhti se mehfooz rahega.
(Manazilul Aakherah, p31)

iii)Riwaayat:
24th Rajab ko Roza rakhne ka azeem sawaab hai. Usme se ek ye hai ke uske paas Malekul Maut khubsoorat aur paakiza libaas mein malboos jawaan ki shakl mein Sharaab e Tahoor (Pure Drink) ka jaam haath mein liye Ruuh qabz karne aayega aur wo sharaab e Jannat se labrez jaam waqt e sakraat mein peene ke liye dega taake sakraat e maut uspar aasaan ho.
(Manazilul Aakkhira, p31)

iv)Imam Sadiq (as):
Jo shakhs Maah e Rajab ke aakhri din Roza rakhega Haq Ta'ala usay sakraat e maut ke baad ke khauf se mehfooz rakhega.
(Manazilul Aakkhira, p31)

20. JO JUMERAAT YA JUMA KI DIN MARTA HAI…

i)Imam Sadiq (as):
Jo shakhs Jumeraat ke zawaal e aaftab se lekar roz e Juma ke zawaal e aaftaab ke darmiyaan marega, wo fishaar e qabr se mehfooz rahega.
(Man La Yahzarahul Faqeeh, v1, p102)

ii)Rasule Khuda (saww):
Jo shakhs roz e Juma ya shab e Juma mein marega, Allah Ta’ala oos se azaab e Qabr uthha lega.
(Man La Yahzarahul Faqeeh, v1, p102)

iii)Rasule Khuda (saww):
Agar koi Shab e Juma ya Roz e Juma mein Mar gaya to Shahadat ki maut marega aur aman o amaan ke saath mehshoor hoga. Aur jo uske haq aur hurmat ko zaya (waste) karega to Allah par laazim hoga ke usay waasil e Jahannum kare magar ye ke wo Tauba kare.
(Wasaail ush Shia, v5, p67)

iv)Imam Ali (as):
Juma ki raat badi raushan raat hai aur Juma ka din bada raushan din hai aur jo shakhs Shab e Juma ko ya Juma ke din Mare, uske liye Jahannum se bara'at likh di jaati hai.
(Wasaail ush Shia, v5, p68)
 
V)Imam Baqir (as):
…Jo shakhs Juma ke din marta hai uske liye Allah Ta’ala likh deta ke ye azaab e qabr se bari hai aur jo shakhs Juma ke din marta hai wo Jahannum se azaad hota hai.
(Man La Yahzarahul Faqeeh, v1, p102)

 
21. ZAAIR E IMAM HUSAIN (as) KI FAZILAT

Imam Sadiq (as):
Jab Zaair Imam Husain (as) ki Ziyarat se waapas hota hai aur agar oos saal ya oos raat uski maut ho jaaye to khud KHUDA uski Ruuh qabz karta hai.
(Al Muntazar, 1423)

22. MAUT AUR AHLEBAIT (as)

i)Riwaayat:
Imam Reza (as) ke as'haab mein se ek buzurg haalat e jaa'n kani mein the ke hazrat unke saraahne tashreef le gaye. Wo sahaabi sakraat ki haalat mein aankh bund kiye huwe the. Ek martaba arz kiya ke, "Is waqt J, Rasule Khuda (saww), J. Ameerul Momeneen (as), J. Siddiqa Tahira Fatima Zahra (sa), I. Hasan (as), I. Husain (as) aur I. Musa Kazim (as) tak tamaam Aimma e Tahereen (as) yahaa'n tashreef farma hain aur main oon hazraat ki ziyarat se musharraf ho raha hoo'n". Phir arz kiya, "Aqaa, aap ki noorani soorat bhi maujood hai".
(Ma'ad, p38)

ii)Imam Sadiq (as):
Marne walo’n ki aankho’n mein marte waqt waqt aansu aa jaate hain aur ye oos waqt hota hai jab wo Rasule Khuda (saww) ko dekhta hai aur wo kuchh dekhta hai jis se wo khush ho jaata hai. Kya tum nahi dekhte ke jab insaan koi bahut khush-haal baat dekhta hai aur jis se wo mohabbat karta hai usay dekhta hai to uski aankho’n mein aansu aa jaate hain aur wo ha’nse lagta hai.
(Man La Yahzarahul Faqeeh, v1, p100)

ii)Rasule Khuda (saww):
Meri aur mere khandaan ki mohabbat 7 jagah par faida-mand hai jab ke har ek jagah par sakht-tareen khauf hai:
1) Maut ke waqt,
2) Qabr mein,
3) Qabr se baahar nikalne ke waqt,
4) Naama e Aamal ke waqt,
5) Hisaab ke waqt,
6) Mizaan par, aur
7) Puul e Siraat par.
(Amaali - Shaikh Sadooq, p19)

iv)Imam Ali (as):
Har shakhs waqt e niza mujhe dekhta hai aur dekhega, chaahe wo Momin ho ya Kaafir.
(Ayatullah Dastghaib Shirazi wazaahat karte hain ke Momeneen ke liye Imam Ali (as) ki ziyarat ne'mat hai kyun ki Hazrat ke jamaal e dilkash ka mushahida Momin ke liye har lazzat se laziz-tar hai aur kaafir o munafiq ke liye Hazrat (as) ka deedar qeher e Parwardigaar ka mazhar hoga)
(Ma'ad, p38)

v)Imam Sadiq (as):
Imam Ali (as) ka dost-daar (chahne-wala) Imam Ali (as) ki 3 maqaamat par Ziyarat karega aur khush hoga:
1) Maut ke waqt,
2) Siraat par aur
3) Hauz e Kausar par.
(Man La Yahzarahul Faqeeh, v1, p101)

23. MAYYAT KO FAURAN KYA KARE

Riwaayat:
Jab Imam Sadiq (as) ke bete Ismail ki maut ka waqt qareeb aaya to Imam (as) unke paas baithhe huwe the. Pus jab wo inteqaal kar gaye to Imam (as) ne unke jabdo'n (jaws) ko baandh diya, aankho'n ko bund kar diya aur unpar chaadar daal di (ye sab karna mustahab hai).
(Wasaail ush Shia, v2, p138)
 

24. KOI MAR JAAYE TO FAURAN SADQA NIKAALE

Rasule Khuda (saww):
MAYYAT par Qabr mein PEHLI RAAT se zyaada SAKHT ghadi koi aur Nahi hoti, lihaaza apne Murdo'n par SADQE ke zariye Rahem karo.
(Manaazilul Aakhira, Pg. 45)

 
25. MAYYAT DAFNAANE MEIN JALDI KARE

i)Imam Ali (as):
Jab tak Mayyat mein GARMI baaqi hai, TOUCH karne mein koi harj Nahi. Mayyat THANDA hone par Gusle Mase Mayyat WAAJIB hoga.
(Bihaar ul Anwaar, Vol 8, Pg 285)

ii)Rasule Khuda (saww):
Mayyat ka ikraam aur ehteraam (honour & respect) ye hai ke uske kafan o dafan mein jaldi ki jaaye.
(Man La Yahzarahul Faqeeh, v1, p103)
 
iii)Rasule Khuda (saww):
3 cheezo’n mein taakhir (delay) nahi ki jaa sakti:
1) Jab Namaaz ka waqt aa pahunche,
2) Jab Janaza le aaya jaaye,
3) Jab baaligah ko hum-sar mil jaaye (jab jawaan ladki ko shaadi ke liye uski barabari ka (laayak / yogya / worthy) ladka mil jaaye).
(Meezan ul Hikmah, v6, p109)

 
26. Imam Sadiq (as):
Mayyat ko kabhi tanha na chhoro, Shaitan uske andar ghus-kar tarah tarah ki harkatein karta hai.
(Man La Yahzarahul Faqeeh, v1, p105)

27. GUSL E MAYYAT

i)Imam Reza (as):
Mayyat ko gusl dene ki (ek) wajah ye hai ke murde ko bimaariyo'n ki gandagi se paak kiya jaaye kyun ki murde ko Malaika aur Ahle Aakherat se mulaaqat karni hoti hai isi liye usay gusl diya jaata hai taake jab wo Allah ke huzoor pesh ho aur Ahle Tahaarat Momeneen se uski mulaqaat ho to wo unse musafeha karne ke qaabil ban sakey aur paak o pakiza hokar Khuda ke huzoor pesh ho sakey taake jab usay talab kiya jaaye aur uski shafa'at ki jaaye to wo saaf suthra ho.
(Uyoon Akhbaar ar Reza, v2, p193)

ii)Imam Sadiq (as):
Hazrat Musa bin Imran (as) ne apne Rab se jo munajatein ki unme ye bhi kaha ke, “Parwardigaar, kisi mareez ki ayaadat (mulaqat) ka ajr o sawaab kis hadd tak hai?”
To Allah Ta’ala ne irshad farmaya, “Main ek Farishte to uske liye muqarrar kar doonga jo Mehshar tak uski ayaadat karta rahega.”
Hazrat Musa (as) ne arz kiya, “Parwardigaar, aur jo shakhs mayyat ko gusl de uske liye kya hai?”
Allah Ta’ala ne farmaya, “MAIN usko gusl dekar uske gunaaho’n se is tarah paak karunga ke jis tarah wo apni maa ke peyt se paida hone ke din paak tha.”
(Man La Yahzarahul Faqeeh, v1, p104)

iii)Imam Baqir (as):
Jo Mayyat ko Gusl de to haqq e amaanat adaa kare, yaani mayyat ki jo haalat dekhe oos se kisi ko aagah (bayaan) na kare.
(Furoo e Kafi, v1, p299)

iv)Imam Sadiq (as):
Mayyat ko Gusl dene ka sawaab ye hai ke Allah oos ke gunaah is tarah dho deta hai jaise wo batan e maadar (maa ke peyt) se paida huwa ho.
(Furoo e Kafi, v1, p299)

V)Imam Sadiq (as):
Jo Momin kisi momin ki mayyat to gusl de aur gusl dete waqt ye kahe RABBI AFWUKA AFWUK, to Allah Ta’ala uske gunaah maaf kar dega.
(Man La Yahzarahul Faqeeh, v1, p104)

 
28. GUSL E MAS E MAYYAT KYUN?
Imam Baqir (as):
se sawaal huwa ke Gusl e Mayyat kis wajah se kiya jaata hai aur gusl dene wala kyun gusl (mas e mayyat) karta hai? Aap ne farmaya, "Jahaa'n tak gusl e mayyat ka talluq hai to wo ek to is liye diya jaata hai ke wo junoob hota hai. Dusra is liye ke paak o saaf ho kar Malaaika se mulaqaat kar sakey. Is tarah gaasil (gusl dene wala) is liye gusl karta hai taake (saaf hokar) Momeneen se mulaqaat kar sakey”.
(Wasaail ush Shia, v2, p148)

29. NAMAZ E JANAZA

i)Imam Reza (as):
Namaz e Janaza mein is liye Ruku aur Sujood nahi hai ke is Namaz ka maqsad sirf (bargaah e Khuda mein) is bande (marhoom) ki sifaarish karna hai…Aur hum ne Namaz e Janaza ko bagair Wuzu padhne ko is liye jaaez qaraar diya hai kyun ki is mein na Ruku hai aur na Sujood…
(Wasaail ush Shia, v2, p215)

ii)Imam Kazim (as):
Masjido'n mein Namaz e Janaaza nahi honi chahiye.
(Furoo e Kafi, v1, p308)

iii)Imam Sadiq (as):
Jis shakhs ke Janaaze mein 40 Momin gawaahi de denge ke 'Hum iske baare mein sirf Khair jaante hain', to Parwardigaar awaaz dega ke tumhari wajah se Maine oon gunaaho'n ko bhi maaf kar diya jisko tum nahi jaante the lekin Main jaanta hoon.
(Khisaal, Chapter40)

iv)Imam Sadiq (as):
Joota pahen kar Namaz e Janaza nahi padhni chahiye, haa'n albatta moza (socks) pahen kar padhi jaa sakti hai. (Joota pahen kar Namaz e Janaza padhna makrooh hai).
(Wasaail ush Shia, v2, p228)

V)Namaz e Janaza

Imam Reza (as)
se sawaal huwa ke Namaz e Janaza ka hukm kyun diya gaya hai?

Imam (as) ne farmaya,
"Taake log uski Khuda ke huzoor shafaa'at karein aur uski maghferat ki Dua maangein aur koi bhi shakhs oos ghadi se zyada Shafaa'at aur Astaghfaar ka mohtaaj nahi hota jitna ke marne wala mohtaaj hota hai".
(Uyoon Akhbaar ar Reza, v2, p241)

30. MAYYAT MEIN SHIRKAT KA AZEEM SAWAAB

i)Rasule Khuda (saww):
Jab bhi koi kisi mayyat me sharik hota hai to har kadam ke badle me Dus crore neki uske naame aamal me likhi jaayegi aur dus crore gunaah mita diye jayenge, aur uska martaba Dus crore darja buland hoga. Agar wo Namaze Mayyat me sharik hoga to dus crore farishte uski mayyat mein aayenge aur uske qabr se uthaaye jaane tak uske liye Astagfaar karenge. Agar wo mayyat dafn hone tak rukta hai to Allah 1000 farishte muqarrar karega jo sabhi uske qabr se uthaaye jaane tak uske liye tauba karenge, Jibrail (as) 70000 farishto'n ke saath oos shakhs ke peechle gunaah ki maafi ke liye Dua karenge jisne kisi marhoom ki Namaze Mayyat padhi . Agar koi mayyat ke dafn hone tak thhaherta hai, to qabrastan se apne ghar tak HAR qadam ke badle mein usay ek Qiraat ka sawab milega aur ek Qiraat ka naap Ohad pahaad ke jitna hai.
(Rules Relating to the Deceased)
(Also in Sawaabul Aamaal (Naseem e Behisht, p629)

ii)Rasule Khuda (saww):
se sawaal huwa ke ek shakhs ko ek waqt mein Walime (shaadi) mein shirkat ki daawat ho aur Janaze mein bhi jaana ho to inme se kaun sa kaam afzal hai? Aur inme se kis par labbaik kahe?
Aap (saww) ne farmaya, "Janaze mein jaa kyun ki ye Aakherat ki yaad dilaata hai aur Walime ko tark kar de kyun ki ye Duniya yaad dilaata hai".
(Wasaail ush Shia, v2, p128)

iii)Rasule Khuda (saww):
Jab tumhe kisi Janaze ki taraf bulaya jaaye to usme jaldi karo aur kisi shaadi mein bulaya jaaye to usme deyr karo.
(Wasaail ush Shia, v2, p128)

31. TASHIYYE JANAZA

i)Imam Baqir (as):
Janaze ke pichhe chalna janaze ke aage chalne se behtar hai.
(Furoo e Kafi, v1, p302)

ii)Imam Baqir (as):
Janaze ke aage na chalo, Musalmaan ke janaze ke aage Malaaika tezi se Jannat ki taraf le jaate hain aur Kaafir ke janaze ke aage tezi se Dozakh ki taraf le jaate hain.
(Furoo e Kafi, v1, p302)

iii)Riwaayat:
Jo shakhs janaze ke ham-raah ha'nse (laughs while accompanying a mayyat) to Khuda e Qahhar Qayamat ke din tamaam makhlooq ke saamne uski tauheen karega. Aur jo shakhs Kabrastan mein ha'nse to is haalat mein waapas lautega ke uspar Uhad ki pahaadi ke barabar wabaal hoga. Aur jo marne-wale ke liye Rehmat ki Dua karega, wo Dozakh se najaat paayega.
(Wasaail ush Shia, v2, p285)

iv)Imam Baqir (as):
Sab se pehla tohfa Momin ke ye hai ke jo janaze ke pichhe chalta hai uske gunaah maaf ho jaate hain.
(Furoo e Kafi, v1, p304)

v)Imam Sadiq (as):
Jo Mayyat ko kaandha de Allah uske 25 GUNAAHE KABIRA maaf karega aur Jo chaaro'n taraf se kaandha de usay Gunaaho'n se paak kar dega.
(Sawaabul Aamaal & Iqaabul Aaamal)

32. JANAAZA UTHHATE WAQT KYA SOCHNA CHAHIYE
Imam Sadiq (as):
Jab koi janaaza uthhaya jaaye to yo'n samjho ke goya tumhara janaaza uthhaya jaa raha hai aur (jab waapas aao to) yo'n samjho ke tum ne apne Parwardigaar se duniya mein dobara aane ki Dua ki jo qubool ho gayi…ab dekho naye sire se kya amal karte ho…
(Wasaail ush Shia, v2, p282)

33. QABR KHODNE KA SAWAAB
Imam Baqir (as):
Jo kisi Momin ki Qabr khode wo oos shakhs ke jaisa hai jo Qayaamat tak ke liye usay ghar banwa de.
(Furoo e Kafi, v1, p299)
 

34. QABR
Rasule Khuda (saww):
Yaqeen jaan lo ke Qabr Aakherat ki manzilo'n mein pehli manzil hai. Agar insaan is se najaat paa gaya to uske baad tamaam maraahil uske liye aasaan honge aur agar najaat na paa saka to uske baad ke maraahil oos se kam nahi honge.
(Meezan ul Hikmah, v8 p1)

 
35. Imam Ali (as):
Maal maut tak saath deta hai, Aulaad qabr tak aur Aamaal hashr tak.
(Khisaal, ch3)
 

36. Rasule Khuda (saww):
Maine jo bhi (bhayaanak) manzar dekha hai, qabr ka manzar oos se kahi'n zyada bhayaanak hai.
(Meezan ul Hikmah, v8 p3)

37. QABR MEIN MAYYAT UTAARNA

i)Imam Baqir (as):
Yakaayak  Mayyat ko Qabr mein daakhil na karo. Qabr se 2 - 3 haath ke faasle par rakho aur halke halke qabr tak le jao.
(Furoo e Kafi, v1, p314)

ii)Imam Kazim (as):
Jab mayyat ko qabr ke kinaare le jao to usay kuchh mohlat do taaki sawaal jawaab ke liye tayyar aur aamada-kaar ho jaaye.
(Wasaail ush Shia, v2, p250)

iii)Imam Reza (as):
(Mayyat ko dafnane) Qabr mein MAT utro amaame aur topi ya rida aur jooto'n ke saath aur paai'nche upar ko chadhaa lo.
(Furoo e Kafi, v1, p315)

iv)Imam Reza (as):
(Mayyat ko Qabr mein utaarne ke liye) Qabr mein daakhil chaahe kisi taraf se ho jaaye lekin nikle pairo'n ki taraf se.
(Furoo e Kafi, v1, p315)

V)Imam Sadiq (as):
Jab mayyat ko qabr mein utaarne lago to narmi ke saath utaaro. Aur jab lahed mein rakh chuko to mayyat ka sabse zyada qareebi rishtedaar (qabr mein utar kar aur) mayyat ke sar ke paas baithh kar pehle Khuda ka naam le (Bismillah padhe), phir Paigambar e Akram (saww) aur unki Aal (as) par Durood padhe, Shaitaan se panaah maange (Auzobillah padhe), Surah Fatiha, Surah Falaq, Surah Naas, Surah Ikhlaas, Ayatul Kursi padhe. Aur agar uska rukhsaar kafan se baahar nikaal kar khaak par rakh sakey to aisa kare, phir Shahadatain padhe aur naam ba naam Aimma e Tahereen (as) ka (12 Imamo'n ka) Sahib uz Zamaan (atfs) tak zikr kare.
(Wasaail ush Shia, v2, p254)

vi)Imam Reza (as):
Beta apne baap ki Qabr mein (dafnane ke liye) utre, lekin baap bete ki qabr mein na utre.
(Furoo e Kafi, v1, p315)
 
vii)Imam Ali (as):
Ye sunnat e Rasool (saww) hai ke aurat ki Qabr mein (mayyat utaarne) wo daakhil ho jiske saamne wo ba-haalat e hayaat aati ho.
(Furoo e Kafi, v1, p315)

viii)Imam Ali (as):
Aurat ka shauhar zyada haqdaar hai ke wo apni zauja ko Qabr mein utaare.
(Furoo e Kafi, v1, p315)

38. QABR MEIN KAISE LITTAYE
Imam Sadiq (as):
Mayyat ke liye mitti ka takiya banaya jaaye aur uski pusht ke peechhe dhhela rakkha jaaye taaki chit na ho jaaye aur uske tamaam band'ha e kafan khol diye jaayein aur uska chehra kafan se baahar nikaal diya jaaye phir uske liye dua maangi jaaye.
(Wasaail ush Shia, v2, p253)
 

39. Imam Sadiq (as):
Jab ek Momin ko uski qabr me utaara jaata hai to uski Namaz uske daahine (right side) khadi hoti hai, uski Zakaat baayein (left side), uske Nek amaal uska saaya kiye hote hai aur uska Sabr uske saath khada hota hai.
(Adabus Salaat)
 

40. Imam Baqir (as):
Jab Momin qabr mein daakhil kiya jaata hai to usay nidaa di jaati hai tera pehla atiyaa (tohfa) Jannat hai aur teri mashaaiyat (janaaze mein aane waalo'n) ka pehla atiyaa unke gunaaho'n ki bakshish hai.
(Wasaail ush Shia, v2, p240)
 

41. Rasule Khuda (saww):
MAYYAT par Qabr mein PEHLI RAAT se zyaada SAKHT ghadi koi aur Nahi hoti, lihaaza apne Murdo'n par SADQE ke zariye Rahem karo.
(Manaazilul Aakhira, Pg. 45)

42. WEHSHAT E QABR SE RAHAAT 

i)Rasule Khuda (saww):
Jo koi sone se pehle Sura Takaasur (Sura no. 102) ki tilawat karega, wo qabr ki takleef se mehfooz rahega.
(Uddatud Dai)
 
ii)Imam Baqir (as):
Jo shakhs Namaz mein Rukoo mukammal taur par baja laata hai usay Qabr ki wehshat ka koi khatra nahi hoga.
(Meezan ul Hikmah, v8, p15)
(Manazilul Aakherah, p47)

iii)Imam Sadiq (as):
Jo koi 100 martaba LA ILAHA ILLALLAHUL MALIKUL HAQQUL MUBEEN padhta hai to Allah usko gareebi se bachata hai, aur uski Qabr ki wehshat (tanhaai) ko Uns (aashnaayi / familiarity) se tabdeel karta hai aur Maaldaari bakshta hai aur Jannat ka darwaza uske liye kholta hai.
(Jaame ul Akhbaar, p75)
 
iv)Imam Baqir (as):
Ziyarat e Imam Husain (as) karne wale ki qabr hadd e nigaah tak kushaada aur vasi / chaudi ho jaati hai aur Khuda usko Fishaar e Qabr se amaan ataa karta hai aur Munkir Nakir uske liye khauf ka sabab nahi bante hain, uske liye Jannat tak ek darwaza khol diya jata hai..aur Qayamat mein usko aisa Noor ataa kiya jaayega jis se Mashriq aur Maghrib raushan ho jaayenge aur ek manaadi nida dega ' Ye hai shauq se Imam Husain (as) ki Ziyarat karne wala Zaair', oos waqt Qayamat mein bhi koi aisa na hoga jo ye tamanna na kare ke kaash wo bhi Imam Husain (as) ka Zaair hota.
(Al Muntazar, 1423)

43. DAFN KARNE JAANE KA SAWAAB
Rasule Khuda (saww):
Jo kisi Mayyat ko Dafn karne jata hai, usay HAR qadam ke badle 10 crore Sawaab milega, 10 crore Gunaah Maaf hoge..
(Sawaabul Aamaal & Iqaabul Aaamal)

43. QABR PAR MITTI DAALNA

i)Imam Sadiq (as):
Main to rishtedaaro'n ki qabr par mitti daalne se manaa karta hoon is liye ke is se dil mein qasaawat paida hoti hai aur jiske dil mein sakhti paida ho jaaye wo apne Rab se duur ho jaata hai.
(Furoo e Kafi, v1, p319)
 
ii)Imam Baqir (as):
Jab mayyat par mitti daali jaa chuke aur qabr barabar ki ja chuke to uske saraahne qabr par haath rakho aur ungliyaa'n phaila kar aur haath dabaa kar rakho aur ye sab kuchh qabr par paani chhidakne ke baad ho. (Jo shakhs Namaz e Janaza mein shaamil na ho saka ho to uske liye aisa karna mustahab e muakkada (emphasized Sunnat act) hai aur jo Namaz e Janaza mein shaamil huwa tha uske liye oos qadar Muakkada (emphasized) nahi hai).
(Wasaail ush Shia, v2, p265-266)
 
iii)Imam Sadiq (as):
Rasule Khuda (saww) ne is baat ki mumaniyat (prohibition) farmaayi hai ke qabr par wo mitti daali jaaye jo oos qabr se nahi nikli hai.
(Wasaail ush Shia, v2, p268)
 
iv)Imam Sadiq (as):
Agar qabr ki mitti ke alaawa kuchh mitti qabr par daali jaaye to wo mayyat par bojh hoti hai.
(Wasaail ush Shia, v2, p268)

44. QABR PAR PAANI CHHIDAKNA

i)Imam Sadiq (as):
Qabr par paani chhidakne mein masnoon (sunnat) tariqa ye hai ke qibla rukh hokar sar ki jaanib se ibteda karo aur paayeti ki taraf se hote huwe doosri taraf se phir sar ki jaanib aa jao. Phir (bacha huwa paani) qabr ke beech mein chhidak do. Isi tarah Sunnat hai.
(Wasaail ush Shia, v2, p264)

ii)Imam Baqir (as):
ne Qabr par paani chhidakne ke mutalliq farmaya: Jab tak mitti mein tari (wetness) rehti hai, sahebe Qabr (marne waale) se Azaab duur rehta hai.
(Furoo e Kafi, v1, p320)

45. QABR KE PAAS SE KYUN LAUT JAAYEIN?
Imam Sadiq (as):
…(Qabr ke paas se jaldi) laut jaayein taake Mayyat ke saath koi aisa waaqiya pesh na aaye ke ye uski awaaz sunein.
(Wasaail ush Shia, v2, p276)

 
46. MARNE WALE KA QAREEBI RISHTEDAAR
Imam Sadiq (as):
Aam logo'n ke waapas laut jaane ke baad mayyat ka sab se zyada qareebi rishtedaar qabr ke paas thhaher jaaye aur dono haatho'n se khaak e qabr ko pakadne ke baad ba-awaaz e buland usay Talqeen padhaaye. Jab wo aisa karega to mayyat qabr mein (Nakirain ke) sawaal o jawaab se bach jaayega.
(Wasaail ush Shia, v2, p268)

47. QABR PAR AISI TAKHTI NASB KARNA JIS PAR MAYYAT KA NAAM LIKHA HO, JAAYEZ HAI
Riwaayat:
Imam Mehdi (atfs) ki waalida (J. Narjis Khaatun (sa)) ka inteqaal Imam Hasan Askari (as) ki zindagi mein ho gaya aur unki qabr par ek takhti nasb ki gayi thi jis par likha tha "Haaza Qabr Umme Muhammad (as)".
(Kamaluddin)
(Wasaail ush Shia, v2, p269)
 

48. ZAAIR E IMAM HUSAIN KI MANZELAT
Imam Baqir (as):
Imam Husain (as) ki Ziyarat karnewala agar aane ke ek saal me inteqaal karega to Rehmat ke farishte uske Gusl o Kafan me sharik hote hain, uske liye Astagfaar karte hain, uske liye Talab e Magferat karte huwe uski qabr tak uske janaaze ke pichhe pichhe jaate hain.
(Al Muntazar, 1423)

49. MAYYAT KE LIYE MAGHFERAT TALAB KARNA
Imam Sadiq (as):
Agar mayyat ke liye maghferat talab ki jaaye aur uske haq mein Rehmatullah kaha jaaye to wo oos se isi tarah khush hota hai jaise wo zinda aadmi khush hota hai jise koi hadiya pesh kiya jaaye.
(Wasaail ush Shia, v2, p123)
 

50. MAYYAT KE LIYE NEK AMAL KARNA
Imam Sadiq (as):
Musalmano'n mein se jo kisi marne wale ke liye koi nek amal bajaa laaye to Khuda usay bhi oos amal ka do-guna (DOUBLE) ajr ataa farmata hai aur marne wale ko bhi oos se faayda pahunchta hai.
(Wasaail ush Shia, v2, p123)

51. ALLAH KA KARAM – GHAM KA BHULA DENA

i)Imam Sadiq (as):
Khuda wande Aalam ne ek Farishta Qabrastan mein muwakkal kar rakkha hai ke jab mayyat ke rishtedaar uske janaze se (aur dafn se faarigh hokar) waapis laut'te hain to wo khaak ki ek mutthi uthha-kar unke pichhe phenkta hai aur kehta hai ke jo kuchh dekha hai usay bhool jaao. Agar aisa na karta to koi shakhs apni zindagi mein nafaa haasil nahi karta.
(Wasaail ush Shia, v2, p311)

ii)Imam Sadiq (as):
Khuda wande Aalam ne apne bando'n par 3 ehsaanaat farmaaye hain:
1) Ruuh ki judaayi ke baad (bhula dene waali) hawaa chalaata hai aur agar aisa na hota to koi dost kabhi kisi dost ko dafn na karta,
2) Musibat ke baad tasalli deta hai aur agar aisa na hota to nasl munqata ho jaati, aur
3) Is gehu ke daane par keeda musallat kiya agar aisa na karta to badshaah usay is tarah zakhira karte jis tarah sona chaandi karte hain.
(Wasaail ush Shia, v2, p311)
 
iii)Imam Sadiq (as):
Jab koi aadmi mar jaata hai to Khuda wande Aalam oos aadmi ke paas jo sab se zyada mutassir hota hai, ek Farishta bhejta hai jo uske dil pe par (wings) pherta hai jiski barkat se wo uski huzn o malaal (gham) ki shiddat ko bhula deta hai aur agar aisa na hota to duniya kabhi aabaad o shaadab na hoti.
(Wasaail ush Shia, v2, p311)

52. CONDOLENCE

i)Rasule Khuda (saww):
Ta'ziyyat aur tasliyat (condolence & consolation) pesh karna Jannat mein daakhil hone ka baais (cause / kaarann) hai.
(Wasaail ush Shia, v2, p275)

ii)Imam Sadiq (as):
Itni hi ta'ziyyat (condolence) kaafi hai ke gham-zada (bereaved) tumhe haazir paayein.
(Al Faqih, v1, p174)

iii)Rasule Khuda (saww):
Jo kisi gham-zada shakhs ko tasalli dega usay Qayamat ke din ek Hulla pehnaya jayega jis se usko muzayyan kiya (sajaaya) jayega.
(Wasaail ush Shia, v2, p271)

iv)Imam Sadiq (as):
Jo kisi musibat-zada ki taaziyat (shok / dilaasa / condolence) kare, to usay oos musibat-zada ke Ajr ke baraabar Sawaab milega.
(Furoo e Kafi, v1, 323)

53. MAYYAT YA MUSIBAT PAR RONA JAAYEZ HAI AUR JAB HUZN O MALAAL (GHAM) BAHUT BADH JAAYE TO PHIR RONA MUSTAHAB HAI

i)Riwaayat:
Jis shakhs ko shiddat e hamm o gham ki wajah se apni jaan ka khatra ho, usay chahiye ke khoob aa’nsu bahaaye. Is se usko taskeen ho jaayegi.
(Wasaail ush Shia, v2, p312)
 
ii)Imam Sadiq (as)
se ek sahaabi ne oos sozish e qalbi (dil ki jalan) ka haal bayaan kiya jo uske andar uske bete ke marne ke baad mehsuus huwi jis se usay apni aql ke jaane ka khauf paida huwa. Imam (as) ne farmaya, "Ro lena chahiye, is se taskeen (sukoon) ho jaati hai".
(Furoo e Kafi, v1, 349)

54. BETI KI EHMIYYAT
Imam Sadiq (as):
Hazrat Ibrahim Khaleelullah ne Khuda wande Aalam se Dua ki thi ke wo unko ek beti ataa farmaye jo unki maut par girya o buka kare.
(Wasaail ush Shia, v2, p289)

55. SABR KARNA

i)Imam Sadiq (as):
Agar musibat mein sabr karoge to Ajr (sawaab) milega aur agar na karoge to jo hukm e Ilaahi hai wo to zaroor jaari hokar rahega aur tum bagair sawaab ke rahoge.
(Furoo e Kafi, v1, 332)

ii)Imam Sadiq (as):
Momeneen mein se jo Momin kisi balaa o musibat mein giraftaar ho aur wo uspar Sabr kare to usay 1000 Shaheed ke barabar ajr o sawaab ataa kiya jayega.
(Wasaail ush Shia, v2, p298)
 
iii)Rasule Khuda (saww):
Musibat ke waqt Musalmaan ka raan par haath marna uske ajr (sawaab) ko dho deta hai.
(Furoo e Kafi, v1, 332)

56. RASULE KHUDA (saww) KI MUSIBAT KO YAAD KARE
Imam Sadiq (as):
Jis shakhs ko koi musibat dar-pesh aaye usay chahiye ke H. Rasule Khuda (saww) ki musibat ko yaad kare kyun ki wo tamaam masaaib se badi musibat hai.
(Wasaail ush Shia, v2, p304)

57. SABR – ALLAH KA KARAM
Riwaayat:
Agar balaa o musibat se pehle Sabr na paida huwa hota to phir Momin (musibat se) is tarah phatt jaata jis tarah andaa patthar par lagne se phatt jaata hai.
(Wasaail ush Shia, v2, p299)

58. PADOSI KO CHAHIYE KE MAYYAT WALE GHAR MEIN KHANA BHEJEIN MAGAR WAHAA’N KHAAYE NAHI

i)Rasule Khuda (saww):
Saahebe musibat (jiske ghar mayyat huwa ho oon logo'n) ke hum-saayo'n (padosiyo'n) ko chahiye ke 3 din khana bhejein.
(Furoo e Kafi, v1, p329)
 
ii)Imam Sadiq (as):
Saaheb e musibat ke padosiyo’n ko chahiye ke uski taraf se 3 din tak (USKO AUR USKE MEHMANO’N KO) khana khilaaye.
(Wasaail ush Shia, v2, p287)

iii)Imam Sadiq (as):
AHL E MUSIBAT KE YAHAA’N KHANA KHAANA JAHILIYYAT KI RASM HAI. Sunnat ye hai ke unke ghar khana bhijwaya jaaye jis tarah J. Rasule Khuda (saww) ne J. Jafar e Tayyar (ra) ki khabar e shahadat aane par hukm diya tha (ke 3 din unke ghar khana bheja jaaye).
(Wasaail ush Shia, v2, p287)

59. Rasule Khuda (saww):
Ahl e Mayyat (jiske ghar mayyat huwa ho) ke saath 3 din shareek e gham hona chahiye maut ke din se.
(Furoo e Kafi, v1, 329)

60. WAALEDAIN KI QABR KI ZIYARAT

i)Rasule Khuda (saww):
Jo koi roz e Juma apne waaledain ki qabro’n ki (ya dono mein se kisi ek ki qabr ki) Ziyarat karega to uske gunaah baksh diye jaayenge aur uska naam Swaalehin mein likha jayega.
(An Enlightening Commentary into the Light of the Holy Quran, v18, Surah Jum’a)

ii)Imam Ali (as):
Pehle apne waaledain ki qabr par jaakar unke haq mein Dua aur talab e maghferat kare phir uske baad apni haajat Khuda wande Aalam se talab kare.
(Nawaadirul Ahadees, v1, p56)

61. APNE MURDO’N KI QABRO’N KI ZIYARAT
i)Riwaayat:
Rasule Khuda (saww) ka ek qabr ke paas se guzar huwa jis mein guzishta roz ek murde ko dafn kiya gaya tha aur uske wursa (family members) uspar ro rahe the. Ispar aap (saww) ne farmaya, "Tumhari mukhtasar 2 rakaat Namaz jise tum haqeer samajhte ho is qabr wale ke liye tumhari tamaam daulat se behtar hai".
(Meezan ul Hikmah, v8, 12)
 
ii)Imam Ali (as):
Apne marne waalo'n ki ziyarat kiya karo, kyun ki wo tumhari ziyarat se khush o khurram hote hain, aur chahiye ke tum apne maa-baap ki qabro'n ke paas jahaa'n unke haq mein Dua karte ho wahaa'n apne liye bhi (Khuda se) haajat talab karo.
(Wasaail ush Shia, v2, p279)

62. QABRASTAN MEIN KYA PADHE

i)Imam Sadiq  (as):
Har  wo  muslim  jo  kisi  marhum  ki  taraf  se  amal-e-khair  karta  hai  to Allah  usko  uska  dugna  sila  (double  reward)  dega  aur  marhum  ko bhi  iska sawab  milega.
(Uddatud Dai)

ii)Rasule Khuda (saww):
Jo aadmi Qabrastan se guzre aur 11 martaba Surah Tauheed (Surah Qulho Wallah) padhe to aise aadmi ko oon murdo'n ke muqaabil sawaab milta hai.
(Tafseer Noor us Saqlain, v9, p424)
 
iii)Rasule Khuda (saww):
Jo shakhs Qabarastan jaakar Surah Yaseen ki tilawat kare to oos din Ahle Quboor ke (jo log qabr mein dafn hain unke) Azaab mein takhfeef (relaxation) ki jaayegi aur Qabrastan mein jitne bhi murde dafn hain oon sab ki tadaad ke barabar usay nekiyaa'n ataa ki jaayengi.
(Tafseer Noor us Saqlain, v7, p160)

iv)Rasule Khuda (saww):
Jab koi Momin Ayatul Kursi padhta hai aur uska sawaab Qabrastan ke murdo’n ko hadiya karta hai to Allah Azz wa Jall, har ek harf (akshar) ke balde ek Farishta khalq karega aur Roz e Qayamat tak ye Farishte Allah ki Tasbeeh karenge aur is tasbeeh ka sawaab is Ayatul Kursi padhne wale ko milega.
(Al-Haqq Newsletter, Oct – Dec 2010)

REQUEST: UPAR WALI AHADEES KE MUTABIQ MURDO'N KI TADAAD KE BARABAR SAWAAB HAI TO  NAJAF MEIN WAADI US SALAAM MEIN YE SAB KHAAS TAUR PAR PADHE JAHAA'N LAAKHO'N MOMIN DAFN HAI. ISKA SAWAAB MARHUMEEN KO BHI MILEGA AUR AAP KO BHI INSHA ALLAH BE-INTEHA SAWAAB MILEGA.

63. Rasule Khuda (saww):
se poochha gaya,"Agar ek taraf Tashiyye Janaza (Mayyat Dafnaani ho) aur doosri taraf Aalim ki Ilmi mehfil (majlis / class) lagi huwi ho to farmayein ke aap ke nazdeek kaun sa kaam behtar hai?"
Aap ne farmaya, , "Agar oos janaze ke ehtemaam ke liye doosre log maujood ho'n to mere nazdeek Aalim ki Ilmi mehfil behtar aur bartar hai. Ye mehfil 1000 Tashiyye Janaze se, 1000 Mareez ki ayaadat karne se, 1000 Shabbedaari (Ibaadat ke liye 1000 raat jaagne se), Gareebo'n aur Faqeero'n mein 1000 Dirham kharch karne se, aur 1000 Hajj aur 1000 Jihaad karne se behtar hai".
(Tafseer Noor us Saqlain, v9, p20)

64. MALEKUL MAUT KI MAUT

i)Rasule Khuda (saww):
Jab Qayamat ka din hoga to Allah Malekul Maut se farmayega, "Malekul Maut! Mujhe Apni izzat of jalaal aur azmat o bulandi ki qasam! Tumhe zaroor bil zaroor Maut ka zaika chakhaaunga jaisa ke tum ne Meri ummat ko Maut ka zaika chakhaya hai".
(Uyoon Akhbaar ar Reza, v2, p86)

ii)Imam Baqir (as):
Jab ahle Jannat Jannat mein aur ahle Dozakh Dozakh mein daakhil honge to oos waqt Malekul Maut ko ek gosfand (sheep) ki shakl mein laaya jayega aur usay Jannat aur Dozakh ke darmiyaan zibah kiya jayega phir kaha jayega ke ab hamesha ki zindagi hai, ab kabhi maut nahi aayegi..
(Tafseer Noor us Saqlain, v7, p221)

65. SURAH YASEEN KI TILAWAT KARNE KA AZEEM SAWAAB

1. Imam Baqir (as):
Jo apni zindagi mein ek martaba Surah Yaseen ki tilawat karega to Khuda Wande Mut'aal zameen, Aakherat aur aasmaan ki har makhlooq ke hisaab se uski 2000 nekiyaa'n likhega aur 2000 gunaah mitaa dega aur wo faqr, maali nuksaan, deewar ke niche aa-kar marne, bechaargi, deewangi, juzam (leprosy), waswase aur har nuksaan,  beemari se mehfooz rahega aur Khuda maut ki sakhtiyo'n aur khauf ko aasaan kar dega aur KHUD uski Rooh qabz karega aur uska shumaar oon logo'n mein hoga jinki zindagi mein wus'at, mulaqaat e Khuda ke waqt farhat o khushi, aur Aakherat mein sawaab e Ilaahi par raazi hone ki khud Khuda ne zamanat di hai aur Khuda zameen o aasmaan par maujood tamaam Farishto'n se farmayega ke, "Main fulaa'n shakhs se raazi hoo'n to tum sab uske liye Astaghfaar karo".
(Sawaabul Aamaal, p239)

2. Imam Sadiq (as):

Har cheez ka ek qalb (dil / heart) hota hai aur Qalb e Quran Yaseen hai.

Jo sone se pehle ya din ke kisi hisse mein iski tilawat karega to oos din mehfooz rahega aur Khuda se Rozi payega aur jo raat ko sone se pehlle iski tilawat karega to Khuda Wande Mut'aal 70000 Farishto'n ki duty lagayega ke Shaitaan ke shar se aur har aafat se uski hifazat ki jaaye.

Agar agle din mar jaaye to to Khuda usay Behisht mein daakhil karega aur 30000 Farishte Gusl dete waqt wahaa'n maujood honge aur uske liye Astaghfaar karenge aur Dua e Maghferat ke saath Qabr tak tashiyye janaza mein shareek honge aur jab usay Qabr mein daakhil kiya jayega to pehle Farishte Qabr mein daakhil hokar ibaadat karenge aur is ibaadat ka sawaab uske liye hoga aur ta hadd e nigaah (as far as the eyes can see) uski Qabr ko wus'at ataa farmayega aur wo fishaar e Qabr se aman mein rahega aur uski Qabr se lekar aasman tak darakshaa'n noor oos waqt tak baaqi rahega jab tak Khuda usay Qabr se nikaal nahi leta.

Aur jab usay Qabr se nikaalein to uske saath Farishte guftagu karenge, uska chehra khush-haal hoga aur wo usay har maqaam par khair sunayenge yahaa'n tak ke Puul e Siraat aur Mizaan ko paar karega aur usko Khuda ke itna nazdeek le jaayenge ke muqarrab Farishto'n aur aur Mursal Ambiya ke alawa koi Khuda ke itna nazdeek na hoga. Wo Paighambaro'n ki hamraahi mein bargaah e Khuda Wandi mein khada hoga jab ke doosre log ghamgeen aur pareshaan aur be-taab honge. Usay koi gham, pareshaani aur mushkil na hogi. Oos waqt Khuda Wande Mut'aal usay farmayega, "Tu jiski chahe Shafa'at kar, Main teri Shafa'at qubool karunga aur maang jo maangna chahta hai tujhe ataa karunga".

Wo jo chahega usay milega aur jiski Shafa'at karega qubool hogi halaa'nki baaz logo'n ka muhaaseba (hisaab) ho raha hoga, unhe roka gaya hoga, wo zaleel ho rahe honge magar uske liye koi hisaab kitaab nahi hoga, koi nahi rokega aur uske liye kisi qism ki zillat na hogi, apne kisi bhi galat kaam par bad-bakhti ka saamna nahi karega aur naama e aamaal khol kar usay diya jayega aur jab aur jab Khuda ki bargaah se niche aayega to log usay dekh kar Subhanallah ka wird karte huwe kahenge, "Is Abd e Khuda ki koi khata na thi aur usay Hazrat Muhammad (saww) ki rafaaqat (sohbat / companionship) naseeb huwi hai".
(Sawaabul Aamaal, p237)

66. Qabr me Quran ki Taalim

Imam Sadiq (as):
Hamare mohibbo'n aur Shiyo'n mein se koi mar jaaye aur wo achchi tarah Quran padhna NA jaanta ho to Qabr mein usay Quran ki taalim di jaati hai taake Khuda usko buland darajaat ataa kare. Jaan lo ke Behisht (Jannat) ke darajaat Qurani aayaat ki taadaad ke barabar hain. Wahaa'n Qaari e Quran (Quran padhne wale) se kaha jaata hai 'Quran padho aur agle darje mein jao'.
(Sawaabul Aamaal, p277)

67. Imam Sadiq (as):
Jo koi Shia Momin inteqaal kar jaaye aur Dafn ho jaaye to Khuda 70000 Farishte ma'moor (appoint) karta hai jo uske liye Rehmat talab karte hain aur jab wo apni Qabr se baahar nikle to uski maghferat ki Dua karte hain.
(Amaali - Shaikh Sadooq, p212)

68. Imam Baqir (as):
Jo koi kisi Musalmaan ka Tashiyye Janaza adaa kare to aise shakhs ko Roz e Qayamat 4 shafa'atein ataa ki jayengi aur Farishte oos se kahenge ke ye tere oos amal (Tashiyye Janaza) ke waaste hain.
(Amaali - Shaikh Sadooq, p212)

68. Imam Jaffar E Sadiq (as):
Kohi Bhi Rooh Us Waqt Tak Jism Ko Tark Nahi Karti Jab Tak Mohammed' Ali ' Fathima ' Hasan ' Aur Hussain Ko Na Dehkle Yaha Tak Ke (Us Deedar Ke Asar Se) Us Ki Anhkho Ko Thandak Hasil Ho Jaati Hai Ya Us Ki Anhkhe Jalan Ka Ahsas Karne Lagti Hai..Ye Thandak Ya Jalan Us Ke Momeen Ya Kafr Hone Se Marboot Hai..
(Bihar Ul Anwar Jild 39 Page No 241-29)
***************************

يَا مَنْ يَقْبَلُ الْيَسِيْرَ وَيَعْفُوْ عَنِ الْكَثِيْرِ اِقْبَلْ مِنِّي الْيَسِيْرَ وَاعْفُ عَنِّي الْكَثِيْرَ إِنَّكَ اَنْتَ الْغَفُوْرُ الرَّحِيْمُ.

O He who accept even the smallest (efforts) but excuses from restrictions, accept whatever little there is and release from hardships frequently, Verily Thou art Oft-forgiving, Merciful.
**************
IMAM MAHEDI(ATFS)  :
Jab  tumhe  pata  chale  ke  koy  Momin  ya  koy  Momina  is  duniyase  Rukhsad  ho gaya  hai  to  NAMAZE  WAHSAD  magarib  ke  bad  ADA  karo aur jab  tum  is  duniyase  Rukhsad  ho  jawo ge  aur agar  tumhari (namaze wahsad)  koy  nahi  ADA  karega  to  MAI  TUMHARI  NAMAZ  ADA KARUNGA.
(Aqwale masumin Imame Zamana (ATFS))

SALWAAT (HADITH)

1. Imam Ali ibne Moosa Reza (a.s.) said:
"One who does not have any means to get his sins forgiven then he should recite Salwaat on Mohammad (s.a.w.a.) and his progeny abundantly as it wipes out the sins."

Then he (a.s.) said: Reciting Salwaat on Mohammad (s.a.w.a.) and his progeny is like
Tasbeeh
سُبْحَانَ اللَّهِ
(reciting SubhanAllah)

Tahleel
لَا إِلٰهَ إِلَّا الَّلهِ 
(reciting La Ilaha Illallah)

and Takbir
اَللَّهُ اَكْبَرُ
(reciting Allahu Akbar) near Allah, the High."

●Imam Ali ibne Moosa Reza (a.s.) ne irshaad farmaya:
"Jis kisi ke paas apne gunaah bakshwaane ka rassta na ho use chahiye ke Rasool (s.a.w.a.) aur unki aal (a.s.) per kasrat se Salwaat bheje, ke isse gunaah khatm ho jaate hain."

Aapne mazeed irshaad farmaya, "Rasool (s.a.w.a.) aur unki Aal (a.s.) per salwaat padhna Allah ke nazdeek misle
Tasbeehe
سُبْحَانَ اللَّهِ
(Subhanallah) hai,

Tahleele
لَا إِلٰهَ إِلَّا الَّلهِ 
(La Ilaha Illallah) hai

aur Takbire
اَللَّهُ اَكْبَرُ
(Allahu Akbar) hai.

(Reference :
Beharul Anwaar, vol 91, pg. 47-48,
Aamaali-e-Sadooq (a.r.), pg. 45,
Tafseer-e-Isna Ashar, vol.10 pg. 482,
Oyoon-e-Akhbaar-e-Reza, vol 2 pg. 229, tradition no 52.)

2. Holy Prophet (s.a.w.a.) said:
"When someone says,
صَلِّ عَلَىٰ مُحَمَّدٍ وَ آلِهِ 
(swalli ala muhammadin wa aalehi)
then Allah, the High replies swallallahu alaika i.e. on you be Salwaat and mercy. Then you increase it (i.e. you recite Salwaat as much as possible).

Then he (s.a.w.a.) said: If a person says
صَلَّ اللّٰهُ عَلَيٰ مُحَمَّدٍ
(swallallahu ala Muhammad)
and does not recite Salwaat on my progeny, then he will not find the aroma of paradise. The Aroma of paradise is found from a distance of five hundred years."

●Rasoole Khuda (s.a.w.a.) ne irshaad farmaya:
"Jab koi
صَلِّ عَلَىٰ مُحَمَّدٍ وَ آلِهِ 
(swallallahu ala Muhammad)
kahta hai tab Allah t'ala is ke jawab mein kahta hai 'swallallahu alaika' yaani tumhare (salwat kahne wale ke) uper salwaat aur rahmat ho. Tab tum ise (salwaat ko) mazeed padho."

Phir aap (s.a.w.a.) ne aage irshaad farmaya: "Agar koi insaan
صَلَّ اللّٰهُ عَلَيٰ مُحَمَّدٍ
(swallallahu ala Muhammad)
kahe aur meri aal per salwaat na bheje to use jannat ki khushbu nahi milegi. Jannat ki khushbu 500 saal ki duri se aati hai."

(Reference :
Behaarul Anwaar, vol. 91, pg. 48, tradition no. 4,
Aamali-e-Sadooq, pg. 228)

3. Imam Ja’far Sadiq (a.s.) said:
"If you recite namaaz and you do not remember Mohammad (s.a.w.a.) (i.e. you don’t recite Salwaat on him), then you have sent your namaaz to a place other than paradise. Then he (a.s.) said that Holy Prophet (s.a.w.a.) said: One who does not recite Salwaat on us when we are remembered before him, then he will enter hell. And Allah has no concern with him."

●Imam Ja'far Sadiq (a.s.) ne irshaad farmaya:
"Agar tum namaz padho aur Rasule Khuda (s.a.w.a.) ko yaad na karo (yaani tum Salwaat na padho), to tum ne apni namaz Jannat ke alawa kahi aur bhej di. Phir aapne farmaya ke Rasule Khuda (s.a.w.a.) ne irshaad farmaya: Jo shakhs salwaat na padhta ho ke jab ke uske saamne hamara zikr aaye to wo Jahannam mein jaayega aur Allah (s.w.t.) ka usse koi t'alluq nahi."

(Reference :
Behaarul Anwaar, vol. 91, pg. 48, tradition no. 7,
Aamali-e-Sadooq, pg. 346)

4. Imam Ja’far Sadiq (a.s.) said:
"On the eve of Thursday and the night of Friday, angels descend with gold pens and silver papers. From the eve of Thursday till the sunset on Friday they do not write except Salwaat on Mohammad (s.a.w.a.) and his progeny."

●Imam Ja'far Sadiq (a.s.) ne irshad farmaya:
" Jumeraat ki shaam aur Jume ki shab mein farishte sone ka qalam aur chaandi ka kaghaz lekar naazil hote hain. Jumeraat ki shaam se lekar Jume ka din dhalne tak ye (farishte) kuch nahi likhte siwaye Rasule Khuda(s.a.w.a.) aur unki aal per bheje gaye Salwaat ke."

(Reference :
Behaarul Anwaar, vol. 91, pg. 50, tradition no. 11,
Kheesal of Sheikh Sadooq (a.r.), vol. 2, pg. 31)

5. Imam Ja’far Sadiq (a.s.) said:
"No action is superior on Friday except reciting Salwaat on Mohammad (s.a.w.a.) and his progeny."

●Imam Ja'far Sadiq (a.s.) ne irshaad farmaya:
"Jume ke roz koi amal afzal nahi hai siwaye iske ke Rasule Khuda (s.a.w.a.) aur unki aal per salwaat bheja jaaye."

(Reference :
Behaarul Anwaar, vol. 91, pg. 50, tradition no. 12,
Kheesal of Sheikh Sadooq (a.r.), vol. 2, pg. 32)

6. Imam Mohammad Baqir (a.s.) and Imam Ja’far Sadiq (a.s.) said:
"On the day of resurrection, the heaviest thing on the scale (الْمِيْزَان) will be the Salwaat recited on Mohammad (s.a.w.a.) and his progeny."

●Imam Mohammad Baqir (a.s.) aur Imam J'afar Sadiq (a.s.) ne irshaad farmaya:
"Roze Mahshar (Qayamat) ke din, meezaan (tarazu) per sabse wazni (bhaari) cheez Mohammad (s.a.w.a.) aur Aale Mohammad (a.s.) per bheja hua salwaat hoga."

(Reference :
Behaarul Anwaar, vol. 91, pg. 48, tradition no. 9,
Qurbul Asnaad, pg. 12,
Tafseer-e-Isna Ashar, vol. 10, pg. 483)

7. Ameerul Momeneen Ali ibne Ali Taalib (a.s.) said:
"Recite Salwaat on Mohammad (s.a.w.a.) and his progeny because Allah accepts your supplications due to their remembrance. You pray for them, certainly they (a.s.) will protect you."

●Ameerul Momeneen Ali ibne Ali Taalib (a.s.) ne irshaad farmaya:
"Rasool (s.a.w.a.) aur unki aal (a.s.) per salwaat bhejo kyunke unke zikr ki wajah se Allah (swt) tumhaari duao ko qabool karta hai. Tum unke (a.s.) ke liye dua karo, yaqeenan wo tumhari hifazat karenge."

(Reference :
Behaarul Anwaar, vol. 91, pg. 50, tradition no. 14,
Kheesal of Sheikh Sadooq (a.r.), vol. 2, pg. 157)

8. Imam Ja'far Sadiq (a.s.) said:
"When you commenced any supplication, begin with the recitation of Salwaat on Holy Prophet (s.a.w.a.) as Salwaat on Holy Prophet (s.a.w.a.) occupies the position of accepted supplication near Allah. And Allah never accepts some supplication and rejects the other."

●Imam Ja'far Sadiq (a.s.) ne irshaad farmaya:
"Jab tum koi dua' maango to uski shuruaat (aghaaz) Rasule Khuda (s.a.w.a.) per salwaat bhejne se karo ke Rasule Khuda (s.a.w.a.) per bheja hua salwaat Allah (swt) ke qareeb ek maqbool dua ki haisiyat rakhti hai. Aur Allah (swt) kabhi aisa nahi karta ke ek dua ko qabool kare aur dusri ko rad kar de.

(Reference :
Behaarul Anwaar, vol. 91, pg. 53, tradition no. 21,
Amaali-e-Tusi, vol. 1, pg. 175)

9. Imam Hasan Askari (a.s.) said:
"Surely Allah, the Blessed, the High has taken Hazrat Ibrahim (a.s.) as His 'Khaleel' because of his ample recitation of Salwaat on Holy Prophet (s.a.w.a.) and his progeny."

●Imam Hasan Askari (a.s.) ne irshaad farmaya:
"Yaqeenan Allah subhanahu wa t'aala ne Hazrat Ibraheem (a.s.) ko isliye apna 'Khaleel" banaya kyunke wo Rasule Khuda (s.a.w.a.) aur unki aal (a.s.) per kasrat se salwaat bhejte the."

(Reference :
Behaarul Anwaar, vol. 91, pg. 54, tradition no. 23,
Elalush Sharai, vol. 1, pg. 33)

10. Holy Prophet(s.a.w.a.) said:
"Don’t beat your infants when they cry. As for the first four months, when they cry they give witness to the Oneness of Allah, the Blessed, the High. In the succeeding four months they recite Salwaat on Mohammad (s.a.w.a.) and his infallible progeny and in the next four months they pray for their parents."

●Rasoole Khuda (s.a.w.a.) ne irshaad farmaya:
"Jab tumhare sheerkhwaar (chote Bachche) royein to unko maaro mat, ke pahle 4 mahine mein wo rote hue Allah subhanahu wa t'aala ki tauheed ki gawaahi dete hain, agle 4 mahine wo Mohammad (s.a.w.a.) aur unki paak aal (a.s.) per salwaat bhejte hain aur agle 4 mahine wo apne waledain ke liye du'a karte hain."

(Reference :
Behaarul Anwaar, vol. 91, pg. 55, tradition no. 28,
Tauheed-e-Sadooq (a.r.), pg. 242)

11. Imam Ja’far Sadiq (a.s.) said:
"One day Holy Prophet (s.a.w.a.) said to Imam Ali (a.s.): O Ali! Should I give good news to you?” Ali (a.s.) replied: "Yes, may my parents be sacrificed on you, no good news descends on you except there is goodness in it." He (s.a.w.a.) said: “ Jibrael has just given me an amazing news. Ali (a.s.) asked him about the news. He (s.a.w.a.) said: Jibrael informed me that a person from my nation who recites Salwaat on me and my progeny, then for him the doors of the skies are opened, angels recite seventy Salwaat on him. And if he is a sinner then his sins will fall like leave falls from the tree. Allah, the Blessed, the High says to him, O my servant! I am listening to you, happiness is for you. Then Allah says to the angels, you recite seventy times Salwaat on him, I am reciting Salwaat seven hundred times on him."

Then Holy Prophet (s.a.w.a.) said: If someone recites Salwaat on me and does not recite the Salwaat on my progeny, then between him and the heavens there are seventy veils. Allah, the High says to him, I am not listening to you and there is neither happiness nor good news for you. O My angels! Do not bring up his prayers except that he attaches himself to My Prophet and his progeny.” Then the veils will continue till he attaches himself to my Ahle Bait (a.s.).

●Imam J'afar Sadiq (a.s.) ne irshaad farmaya:
"Ek din Rasule Khuda (s.a.w.a.) ne Imam Ali (a.s.) se irshaad farmaya, "Aey Ali (a.s.) kya main aapko ek khushkhabri du?" Imam Ali (a.s.) ne jawaab mein kaha, "Ji haan, mere maa baap aap per qurban ho, koi khushkhabari aap per naazil nahi hoti ke siwaye usmein khair ho." Aap (s.a.w.a.) ne irshaad farmaya, "Jibraeel (a.s.) ne abhi-abhi mujhe ek khabar di hai." Imam Ali (a.s.) ne us khabar ke bare mein daryaft kiya, aap (s.a.w.a.) ne irshaad kiya, "Jibraeel (a.s.) ne khabar di hai ke, meri ummat mein koi shakhs mere aur mere Ahle Bait (a.s.) per salwaat bhejta hai to uske liye aasmaan ke darwaaze khul jaate hain, farishte us shakhs per salwaat bhejte hain. Aur agar wo gunaahgaar hua to uske gunaah misle darakht ke patte jhadh (gir) jaate hain. Allah subhanahu wa t'aala usse kahta hai, "Aey mere bande! main tumko sun raha hu, tumhare liye khush'haali hai." phir Allah farishto se mukhatib hokar kahta hai, "Tum is (shakhs) per sattar (70) martaba salwaat padho, Main saat sao (700) martaba salwaat phadta hu."

Phir Rasule Khuda (s.a.w.a.) ne irshaad farmaya, "Agar koi shakhs mere uper salwaat phadhta hai lekin mere Ahle Bait (a.s.) per salwaat nahi pahta hai to uske aur jannat ke darmiyaan 70 parde hain. Allah subhanahu wa t'aala usse kahta hai, Main tumhe nahi sun raha hu aur tumhare liye na to koi khair hai aur na hi koi khushkhabri hai. Aey mere farishto! Iski koi namaaz mujh tak na laana siwaaye is ke wo aapne aapko Rasool (s.a.w.a.) aur unke Ahle Bait (a.s.) se munsalik na kar le." Phir wo parde haayal rahenge ke jab tak wo (shakhs) aapne aapko mere Ahle Bait (a.s.) se munsalik na kar le."

(Reference :
Behaarul Anwaar, vol. 91, pg. 56, tradition no. 30,
Aamaali-e-Sadooq (a.r.), pg. 345)

12. Imam Ja’far Sadiq (a.s.) said:
"Whenever the name of Mohammad (s.a.w.a.) is taken in front of you, then you should recite Salwaat as much as possible because when someone recites one Salwaat on Mohammad (s.a.w.a.) then Allah makes thousand rows of angels to recite thousand Salwaat on the person. And there is no creature of Allah but it recites Salwaat on that person on whom Allah and His angels recites Salwaat. The person, who does not do so, is an arrogant and ignorant. And Allah, His Prophet and the Infallible Ahle Bait (a.s.) are far from such person."

●Imam Ja'far Sadiq (a.s.) ne irshaad farmaya:
"Jab kabhi Rasule Khuda (s.a.w.a.) ka naam tumhare saamne liya jaye tab tumhe chahiye ke tum jitna ho sake utna salwaat padho kyunke agar koi shakhs Rasule Khuda (s.a.w.a.) per ek salwaat padhta hai to Allah (s.w.t.) farsihto ki hazaar qataaro se us shakhs per salwaat padhwaata hai. Aur Allah (s.w.t.) ki koi aisi makhlooq nahi hai siwaye iske ke wo us shakhs per salwaat bheje ke jispe Allah (s.w.t.) aur uske farishte salwaat bhejte ho.
Jo Shakhs aisa nahi karta (yaani salwaat nahi bhejta) wo mutakabbir aur jaahil hai. Aur Allah (s.w.t.), Uska Rasool (s.a.w.a.) aur masoom Ahle Bait (a.s.) aise shakhs se door hain."

(Reference :
Behaarul Anwaar, vol. 91, pg. 57, tradition no. 31,
Sawaabul Aamaal, pg. 139)

13. Imam Ja’far Sadiq (a.s.) said:
"Should I teach you a thing through which Allah, the Blessed, the High will protect your face from the heat of the hell? The narrator replied in affirmative. He (a.s.) said: Recite

اَللَّهُمَّ صَلِّ عَلَى مُحَمَّدٍ وَآلِ مُحَمَّدٍ
Allahumma swalli a’la muh’ammad wa aali muh’ammad

hundred (100) times after morning prayers. By doing so, Allah, the High will protect your face from the heat of the hell."

●Imam Ja'far Sadiq (a.s.) ne irshaad farmaya:
"Kya main tumhe ek cheez ki ta'leem du ke jiski wajah se Allah subhanahu wa t'aala tumhare chehre ki jahannum ki aag se hifaazat karega?" Raawi ne kaha, Ji haan!
Aap (a.s.) ne irshaad farmaaya,

"اَللَّهُمَّ صَلِّ عَلَى مُحَمَّدٍ وَآلِ مُحَمَّدٍ
Allahumma swalli a’la muh’ammad wa aali muh’ammad

ki namaze subh ke b'aad 100 martaba tilaawat karo. Aisa karne se Allah subhanahu wa t'aala tumhare chehre ko jahannum ki aag se bacha lega."

(Reference :
Behaarul Anwaar, vol. 91, pg. 58, tradition no. 36
Sawaabul Aamaal, pg. 140)

14. Imam Ja’far Sadiq (a.s.) said:
"Whoever recites Salwaat on Mohammad (s.a.w.a.) and his progeny, Allah records hundred goodness in his account of deeds. And whoever says

صَلَّ اللّٰهُ عَلَيٰ مُحَمَّدٍ وَّ اَهْلِ بَيْتِهِ
(Swallallahu a’la Muh’ammadiw-wa-ahli baitihi)

Allah writes thousand goodness in his account of deeds."

●Imam Ja'far Sadiq (a.s.) ne irshaad farmaya:
"Jis kisi ne Rasule Khuda (s.a.w.a.) aur unki aal (a.s.) per salwaat padha, Allah (s.w.t.) uske liye 100 nekiya darj karta hai. Aur jis shakhs ne kaha

صَلَّ اللّٰهُ عَلَيٰ مُحَمَّدٍ وَّ اَهْلِ بَيْتِهِ
(Swallallahu a’la Muh’ammadiw-wa-ahli baitihi)

Allah uske liye 1000 nekiya likhta hai.

(Reference :
Behaarul Anwaar, vol. 91, pg. 58, tradition no. 37,
Sawaabul Aamaal, pg. 141)

15. Imam Ja’far Sadiq (a.s.) said:
"Whoever says

رَبِّ صَلِّ عَلَىٰ مُحَمَّدٍ وَّ اَهْلِ بَيْتِهِ  
(Rabbi swalli a’la Muh’ammadiw-wa-ahli baitehi)

hundred (100) times in a day, Allah fulfills his hundred desires, thirty of this world and seventy of the hereafter"

●Imam Ja'far Sadiq (a.s.) ne irshaad farmaya:
"Jis kisi ne din mein 100 martaba kaha

رَبِّ صَلِّ عَلَىٰ مُحَمَّدٍ وَّ اَهْلِ بَيْتِهِ  
(Rabbi swalli a’la Muh’ammadiw-wa-ahli baitehi)

Allah (swt) uski 100 khuahishaat puri karega, 30 is duniya ki aur 70 akherat ki.

(Reference :
Behaarul Anwaar, vol. 91, pg. 59, tradition no. 40
Sawaabul Aamaal, pg. 144)

16. The Holy Prophet (s.a.w.a.) said:
"Recite Salwaat loudly as it removes hypocrisy from the heart."

●Rasule Khuda (s.a.w.a.) ne irshaad farmaya:
"Salwaat baland (unchi) awaaz se padho ke isse nifaaq door hota hai."

(Reference :
Behaarul Anwaar, vol. 91, pg. 59, tradition no. 41,
Sawaabul Aamaal, pg. 144)

17. The Holy Prophet (s.a.w.a.) said:
"One who recites one Salwaat on me, Allah, the High recites ten Salwaat (i.e. confers mercy) on him. If he recites ten Salwaat, then Allah recites hundred Salwaat on him. If he recites hundred Salwaat, then Allah recites thousand Salwaat on him. If he recites thousand Salwaat, then Allah forbids fire of hell on him forever."

●Rasule Khuda (s.a.w.a.) ne irshaad farmaya:
"Jis kisi ne mere uper ek salwaat bheja, Allah subhanahu wa t'aala us shakhs per 10 salwaat bhejta hai (yani rahmatein naazil karta hai). Agar us shakhs ne mere uper 10 salwaat bheje to Allah us shakhs per 100 salwaat bhejta hai. Agar us shakhs ne mere uper 100 salwaat bheje to Allah us shakhs per 1000 salwaat bhejta hai. Agar us shakhs ne mere uper 1000 salwaat bheje to Allah us shakhs per jahannam ki aag ko haraam kar deta hai."

(Reference :
Behaarul Anwaar, vol. 91, pg. 63, tradition no. 52)

18. The Holy Prophet (s.a.w.a.) said:
"On the day of judgement the best person will be the one who recited Salwaat on me the most in the world."

●Rasule Khuda (s.a.w.a.) ne irshaad farmaya:
"Qayamat ke din sabse behtar insaan wo hoga ke jisne mere uper duniya mein sabse zyaada salwaat padha hoga."

(Reference :
Behaarul Anwaar, vol. 91, pg. 63, tradition no. 52)

19. The Holy Prophet (s.a.w.a.) in his will to Ameerul Momineen (a.s.) said:
"O Ali! Whoever recites Salwaat on me every day or every night then his intercession is obligatory on me though he may be from sinners."

●Rasule Khuda (s.a.w.a.) ne apni wasiyat mein Ameerul Momineen (a.s.) se irshaad farmaya:
"Ya Ali! Jis kisi ne mujh per her din ya her raat salwaat padha to mujh per uski shifaa't waajib ho jaeygi chahe wo gunahgaar mein hi se kyu na ho."

(Reference :
Behaarul Anwaar, vol. 91, pg. 63, tradition no. 52,
Jaameul Akbaar, pg. 69)

20. The Holy Prophet (s.a.w.a.) said:
"One who recites Salwaat on me then Allah on the day of resurrection will create light (noor) on his head, left, right, front, back, up, down and on all the parts of his body."

●Rasule Khuda (s.a.w.a.) ne irshaad farmaya:
"Jis kisi ne mere uper salwaat bheja, Allah (swt) roze qayamat uske sir pe, uske daaye, uske baaye, uske aage, uske peeche uske uper, uske neeche aur uske jism ke har aaza per noor khalq karega ."

(Reference :
Behaarul Anwaar, vol. 91, pg. 64, tradition no. 52)

21. The Holy Prophet (s.a.w.a.) said:
"Jibrael has informed me that one who recites one Salwaat on me then seventy thousand angels recite Salwaat on him. On the one seventy thousand angels recites Salwaat, then he is from the inhabitants of paradise."

●Rasule Khuda (s.a.w.a.) ne irshaad farmaya:
"Jibrael (a.s.) ne mujhse bayaan kiya ke jis shakhs ne mujh per ek salwaat padha to us shakhs per 70,000 farishte salwaat padhte hain. Jis kisi shaks per 70,000 farishte salwaat padhe to wo shakhs saakine jannat hai."

(Reference :
Behaarul Anwaar, vol. 91, pg. 64, tradition no. 52,
Jaameul Akbaar, pg. 70.)

22. The Holy Prophet (s.a.w.a.) said:
"The supplications are veiled till Salwaat is recited on me and my progeny."

●Rasule Khuda (s.a.w.a.) ne irshaad farmaya:
"Duaaein parde(hijab) mein rahti hai jab tak mere aur meri aal (a.s.) per salwaat na bheja jaaye."

(Reference :
Behaarul Anwaar, vol. 91, pg. 66, tradition no. 53,
Kifaayatul Aasaar, pg. 293,
Tafseer-e-Isna Ashar, vol. 10, pg. 481)

23. Imam Mohammad Baqir (a.s.) said:
"There is an angel from angels who listens to the supplications of the servants, seeks from Allah and gives to the servants. Allah will keep him alive till the Day of Judgement. There is not a believer who recites

صَلَّ اللّٰهُ عَلَىٰ مُحَمَّدٍ وَ آلِهِ وَ سَلَّمْ

(Swallallahu a’la Muh’ammadiw-wa-aalihi wasallam)
except that the angel replies

وَ عَلَيْكَ السَّلاَمُ

( wa alaikas-salam).

Then the angel says to Holy Prophet (s.a.w.a) that so and so has sent salaam to you. Holy Prophet (s.a.w.a.) says, Salaam be on him."

●Imam Mohammad Baqir (a.s.) ne irshaad farmaya:
"Farishto mein eK farishta hai jo bando ki duaao ko sunta hai, Allah (swt) ki taraf se usko ata karta hai. Allah (swt) usko roze mahshar tak zinda rakhega. Koi momin nahi hai jo

صَلَّ اللّٰهُ عَلَىٰ مُحَمَّدٍ وَ آلِهِ وَ سَلَّمْ

(Swallallahu a’la Muh’ammadiw-wa-aalihi wasallam)
padhe siwaaye iske ke wo farishta jawaab de

وَ عَلَيْكَ السَّلاَمُ

(wa alaikas-salam).

Phir wo farishta Rasule Khuda (s.a.w.a.) se kahta hai ke fulaan ne aapke liye salaam bheja hai. Rasule Khuda (s.a.w.a.) irshaad farmate hain, Salaam ho usper bhi."

(Reference :
Behaarul Anwaar, vol. 91, pg. 70, tradition no. 61,
Aamaali-e-Tusi, vol. 2, pg. 290)

24. The Holy Prophet (s.a.w.a.) said:
"One who writes my name in a book and writes Salwaat on me after it, angels will seek forgiveness for him till the name remains in the book."

●Rasule Khuda (s.a.w.a.) ne irshaad farmaya:
"Koi shakhs mera naam kitaab mein likhta hai aur phir mere uper salwaat likhta hai to farishte uske liye astaghfaar karte hain tab tak ke jab tak wo naam us kitaab mein maujood hai."

(Reference :
Behaarul Anwaar, vol. 91, pg. 71, tradition no. 65 from Muniyatul Mureed)

25. Abdus Salaam ibne Naeem said to Imam Ja’far Sadiq (a.s.),
"I entered the Kaba and I did not recite any other supplication except Salwaat."
Imam (a.s.) said: "It is the most superior act you did."

●Abdus Salaam ibne Naeem ne Imam Ja'far Sadiq (a.s.) se arz kiya,
"Main Kaba mein daakhil hua aur maine koi dua nahi padhi siwaye Salwaat ke."
Imam (a.s.) ne Irshaad farmaya: "Ye sabse aa'la a'mal hai jisko tumne anjaam diya."

(Reference :
Sawaabul Aamaal, pg. 345)

26. The Holy Prophet (s.a.w.a.) said:
"One who recites hundred Salwaat on Friday, Allah will forgive his sins of eighty years."

●Rasule Khuda (s.a.w.a.) ne irshaad farmaya:
"Jis kisi ne Jum'a ke din 100 martaba salwaat padha, Allah uske 80 saal ke gunaah maaf kar dega."

(Reference :
Behaarul Anwaar, vol. 91, pg. 63, tradition no. 52,
Jaameul Akbaar, pg. 76)

27. Abdullah ibne Mughaira says that I heard Abul Hasan (a.s.) saying: "One who recites

إِنَّ اللّٰهَ وَمَلَٰٓئِكَتَهُ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Innallaha wa malaikatahu yuswalloona a’lan-nabi yaa ayyuhal ladheena aamanoo swallu a’laihi wa sallimoo tasleemaa

after the morning and maghrib prayers before talking or moving from his place. Then recites

اَللَّهُمَّ صَلِّ عَلَىٰ مُحَمَّدٍ نَبِيِّهِ وَ زُرِّيَتِهِ

allahumma swalli a’laa muh’ammadin-nabiyyihi wa dhurriyyatihi,

then Allah will accept his hundred desires, seventy relating to this world and the remaining pertaining to hereafter."

●Abdullah ibne Mughaira bayaan karte hain ke unhone Ameerul Momineen Ali ibne Abi T'alib (a.s.) se suna:
"Jo shakhs namaze subh aur namaze maghrib ke baad bina bole aur bina apni jagah se hate padhe,

إِنَّ اللّٰهَ وَمَلَٰٓئِكَتَهُ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Innallaha wa malaikatahu yuswalloona a’lan-nabi yaa ayyuhal ladheena aamanoo swallu a’laihi wa sallimoo tasleemaa

aur phir iske baad kahe

اَللَّهُمَّ صَلِّ عَلَىٰ مُحَمَّدٍ نَبِيِّهِ وَ زُرِّيَتِهِ

allahumma swalli a’laa muh’ammadin-nabiyyihi wa dhurriyyatihi,

to Allah uski 100 khuwaahishaat ko puri karega, 70 is diniya ki aur baqya Akherat ki."

(Reference :
Sawaabul Aamaal, pg. 347)

28. It is narrated in Maanil Akhbaar that the narrator asked Imam Ja’far Sadiq (a.s.) that how he should recite Salwaat on Mohammad (s.a.w.a.) and his progeny. He (a.s.) said:

صَلَوَاتُ اللَّهِ وَ صَلَوَ١تُ مَلآءِكَتِهِ وَ اَنْبِيآئِهِ وَ رُسُلِهِ وَ جَمِيْعِ خَلْقِهِ عَلَىٰ مُحَمَّدٍ وَآلِ مُحَمَّدٍ وَ السَّلَامُ عَلَيْهِ وَ عَلَيْهِمْ وَ رَحْمَةُ اللَّهِ وَ بَرَكَاتُهُ

Swalawaatullahi wa swalawaatu malaaikatihi wa ambiyaaihi wa rusulihi wa jameei’ khalqih a’laa muh’ammadiw-wa aali muh’ammadiw-was-salaamu a’laihi wa a’laihim wa rah’matullahi wa barakaatuh.

Narrator asked about the reward for the one who recites this Salwaat? Imam (a.s.) replied: "He becomes pure from sins like he has just born."

●Maanil Akhbaar mein riwayat hai ke raawi ne Imam Ja'far Sadiq (a.s.) se pucha ke Rasool (s.a.w.a.) aur unki Aal (a.s.) per salwat kis tarah bhejna chahiye.

Imam (a.s.) ne irshaad farmaya:

صَلَوَاتُ اللَّهِ وَ صَلَوَ١تُ مَلآءِكَتِهِ وَ اَنْبِيآئِهِ وَ رُسُلِهِ وَ جَمِيْعِ خَلْقِهِ عَلَىٰ مُحَمَّدٍ وَآلِ مُحَمَّدٍ وَ السَّلَامُ عَلَيْهِ وَ عَلَيْهِمْ وَ رَحْمَةُ اللَّهِ وَ بَرَكَاتُهُ

Swalawaatullahi wa swalawaatu malaaikatihi wa ambiyaaihi wa rusulihi wa jameei’ khalqih a’laa muh’ammadiw-wa aali muh’ammadiw-was-salaamu a’laihi wa a’laihim wa rah’matullahi wa barakaatuh.

Raawi ne is salwaat ke padhne ka sawaab pucha. Imam (a.s.) ne jawaab mein irshaad farmaya: "Is Salwaat ke padhne wala saare gunaaho se is tarah paak ho jayega ke jaise wo abhi paida hua hai."

(Ref:
Maanil Akhbaar)

29. Sheikh Abul Fath Razi narrates from Holy Prophet (s.a.w.a.) that He (s.a.w.a.) said,
"On the night of me’raj when I ascended to the heavens, I saw an Angel who had thousand hands. On each of his hands there were thousand fingers, and he was counting something. I asked Jibrael as to who that Angel was and what was he counting? Jibrael replied that the Angel had been appointed by Allah to count the drops of rain, so that it may be known as to how many drops have fallen down to the earth. I turned towards the Angel and asked him, “Do you know the total amount of the rain-drops which have fallen down on the earth from the day Allah has created this world till now”? To which he replied. "O Prophet of Allah I swear by my Lord who has chosen you (as a blessing) for mankind, verily I know the total amount of rain-drops fallen on the earth till now. Even to the extent that how many drops have fallen in the wilds, in the prosperous lands, in the gardens and also in the cemetery". Then I told him that I was very much surprised by the power of his mind and intellect and the ability to remember, to which he replied, "O Prophet of Allah! Verily this ability to count proves futile I try to count one thing". I asked him as to what calculation was that. He replied, “When people of your nation gather at one place and send Salwaat upon you, it is beyond my ability and capacity to count the rewards for it."

●Sheikh Abul Fath Razi Rasule Khuda (s.a.w.a.) se riwayat karte hain ke, Rasule Khuda (s.a.w.a.) ne irshaad farmaya, "Shabe Me'raj jab main aasmaano per pahuncha, to maine ek farishte ko dekha jiske hazaar haath the. Har ek haath mein hazaar ungliya thi aur wo kuch gin raha tha. Maine Jibrael se pucha ke wo farishta kaun hai aur wo kya gin raha hai? Jibrael ne jawab diya ke Allah ne is farishte ko baarish ke qatraat ginne ke liye muqarrar kiya hai, aur wo ye jaanta hai ke zameen per barish ke kitne qatraat gire hain. Main us farishte ke qareeb gaya aur usse pucha, "Kya tum jaante ho ke jab se Allah ne is duniya ko khalq kiya hai zameen mer baarish ke kitne qatraat gire hain?" Us farishte ne jawaab diya, "Ya Rasul Allah Main us Rab ki qasam kha ke kahta hu ke jisne aapko logo ke liye muntakhab kiya hai, behsak mujhe pata ke ab tak zameen per barish ke kitne qatraat gire hain. Yaha tak ke kitne qatrat jangalo mein, kitne khush-haal zameeno per, kitne bagh mein aur kitne qabristaan mein gire hain wo bhi jaanta hoon." Tab maine usse kaha mujhe t'ajjub hai uski aql aur zahan per aur uski yaad-daasht per, to usne is baat per kaha ke, "Ya Rasul Allah (s.a.w.a.)! Behsak meri ye ginne ki taqat bekaar saabit hoti hai jab main ek cheez ko ginne chahta hoon." Maine pucha ke wo kya hai. Usne jawab mein kaha, "Jab aapki ummat ek jagah jama hoti hai aur aapke uper Salwaat bhejti hai, tab usper milne wale sawab ko ginna meri salahiyat se baahar hai."

(Reference :
Manazelul Akherah, Chapter of Meezan)

30. Holy Prophet (s.a.w.a.) says that on the night of Meraj, Janabe Jibrael took me by the permission of Allah to see the castes in paradise. I saw that the castles were made up of gold and silver. They were adorne with Musk and Amber. I noticed some of the castles were glowing and beautiful as compared to others. I asked Janabe Jibrael why some of these palaces were not as beautiful and decorated as compared to the others. Janabe Jibrael informed me that these castles belonged to those people who were lazy while reciting Salwaat on you and your progeny after namaaz. If they overcome their indolence while reciting Salwaat after namaaz their palaces will also be adorned otherwise they will remain like this. When the inhabitants of the paradise will watch these palaces, they will be informed that the owners of these palaces were lethargic while reciting Salwaat on Mohammad (s.a.w.a.) and his progeny after namaaz.

●Rasule Khuda (s.a.w.a.) ne irshaad farmaya,
"Shabe Meraj, Jibrael mujhe Allah (s.w.t.) ke izn se Jannat le gaye. Maine kuch qile' dekha jo sone aur chandi se bane the. Unko Musk aur Amber se zeenat di gayi thi. Maine paya ke kuch qile' dusro ke muqable zyada khoobsurat the aur zyada chamak rahe the. Maine Jibrael se pucha ke kyu ye kuch qile' dusre qilo ki tarah khoobsurat nahi hain? Jibrael ne jawaab diya ke ye qile' un logo ke hain jo namaz ke baad aap per aur aap ki aal per salwaat bhejne me susti karte the. Agar wo apne aapko is susti (aalas) se nikaal lete to un ke qile' bhi khoobsurat hote. Jab ahle jannat in qilo ko dekhenge to wo ek dusro se kahenge ke in qilo' mein rahne wale Namaz ke baad Mohammad (s.a.w.a.) aur unki Aal (a.s.) per salwaat bhejne mein sust the.

(Reference :
Tafseer-e-Imam Hasan Askari (a.s.), pg. 323-324.)

31. Imam Mohammad Baqir (a.s.) said:
"A person will be burning in fire for seventy autumns and each autumn will be equal to seventy years. Suddenly by the right of Mohammad (s.a.w.a.) and his progeny, he will seek salvation from the punishment from Allah. Allah will order Jibrael to go and free him from the punishment. Jibrael will ask Allah that how he should go to fire. Allah will inform him that He has ordered the fire of Hell to become cold for him. Jibrael will question Allah about the place of the person in the hell. Allah will inform him that he is in 'Sijjeel'. Jibrael will remove him from the hell. Allah will ask him: 'How many years have you tarried in the hell?' He will reply: 'I have no account of it.' Then Allah will say "I swear by My Might that if you would have not prayed like you have prayed I would have increased your stay in hell. I have made obligatory upon Myself that whoever prays with the right of Mohammad (s.a.w.a.) and his progeny. I would forgive all his sins which are between Me and him. The same I have done with you."

●Imam Mohammad Baqir (a.s.) ne irshaad farmaya:
"Ek shakhs aag mein 70 Mausam ke liye jalega. Har ek Mausam 70 saal per mushtamil hoga. Phir wo Allah (swt) se Mohammad (s.a.w.a.) aur aap (s.a.w.a.) ke Ahlebayt (a.s.) ke haq ke waste rahmat ka sawaal karega to Allah (swt) Jibrael ki taraf wahi farmaayega ke jao aur mere is bande ko aag se nikaal lo. Jibrale puchenge ke ke wo kaise us aag mein jaaye. Allah (swt) irshaad farmaayega ke Usne Jahannam ki aag jo uske (Jibrael ke) liye thandi kar di hai. Jibrael jahannam mein us shakhs ki jagah ke baare mein puchenge. Allah irshaad farmayega ke wo shakhs 'Sijjeel' mein hai. Jibrael usko jahannam ki aag se nikaal denge. Allah (swt) us shakhs se sawaal karega, "Tum Jahannam mein kitne saal rahe?" wo jawab dega, "Main shumaar nahi kar sakta." Phir Allah (swt) irshaad farmayega, "Qasam hai mujhe meri izzat ki ke agar tum us tarah dua na karte ke jaise tumne ki hai to main tumhe Jahannam mein aur kai saal tak rakhta, Magar Maine apne uper waajib kar liya hai ke jab koi mujh se Mohammad (s.a.w.a.) aur aap (s.a.w.a.) ke Ahlebayt (a.s.) ke haq ka wasta dekar sawal karega main uske gunaho ko m'aaf kar dunga (wo gunaah) jo uske aur mere darmiyaan hain. Aur maine tumhare liye yahi kiya hai.

(Reference :
Sawaabul Aamaal, pg. 154)

32. Imam Ja’far Sadiq (a.s.) quoting his ancestors has said that Holy Prophet (s.a.w.a.) said:
"On the day of resurrection, I will be present at Meezan. When the scale of sins of someone will be heavy than the scale of goodness, I will put Salwaat on the scale of goodness till it becomes heavy than the scale of sins."

●Imam Ja'fat Sadiq (a.s.) ne farmaya ke unke jad Rasule Khuda (s.a.w.a.) ne irshaad farmaya:
"Main Qayamat ke din mizaan ke qareeb honga, jab kisi ki buraai uski nekiyon se zyeda bhari hongi to main un salwaat ko rakh dunga jo mujh per bheje gaye the yahaa tak ke us ki wajah se us ki nekiyaan bhaari ho jaayein.

(Reference :
Behaarul Anwaar, vol. 91, pg. 57, tradition no. 31,
Sawaabul Aamaal, pg. 155)

33. It is narrated in Mafaateehul Jenaan under the aamaal of Friday that it is highly recommended to recite the following Salwaat thrice:

صَلَوَاتُ ا اللَّهِ وَ صَلَوَ١تُ مَلآءِكَتِهِ وَ اَنْبِيآئِهِ وَ رُسُلِهِ وَ جَمِيْعِ خَلْقِهِ عَلَىٰ مُحَمَّدٍ وَآلِ مُحَمَّدٍ وَ السَّلَامُ عَلَيْهِ وَ عَلَيْهِمْ وَ عَلَىٰ اَرْوَاحِهِمْ وَ اَجْسَادِهِمْ وَ رَحْمَةُ اللَّهِ وَ بَرَكَاتُهُ

Swalawaatullahi wa swalawaatu malaaikatihi wa ambiyaaihi wa rusulihi wa jameei’khalqihi a’laa muh’ammadiw-wa aali muh’ammadiw-was-salaamu a’laihi wa a’laihim wa a’laa arwaah’ihim wa ajsaadihim wa rah’matullahi wa barakatuh.

●Mafaateehul Jenaan mein Jum'a ke roz ke amaal mein zikr hai ke is salwaat ko 3 baar padhna mustahab hai:

صَلَوَاتُ ا اللَّهِ وَ صَلَوَ١تُ مَلآءِكَتِهِ وَ اَنْبِيآئِهِ وَ رُسُلِهِ وَ جَمِيْعِ خَلْقِهِ عَلَىٰ مُحَمَّدٍ وَآلِ مُحَمَّدٍ وَ السَّلَامُ عَلَيْهِ وَ عَلَيْهِمْ وَ عَلَىٰ اَرْوَاحِهِمْ وَ اَجْسَادِهِمْ وَ رَحْمَةُ اللَّهِ وَ بَرَكَاتُهُ

Swalawaatullahi wa swalawaatu malaaikatihi wa ambiyaaihi wa rusulihi wa jameei’khalqihi a’laa muh’ammadiw-wa aali muh’ammadiw-was-salaamu a’laihi wa a’laihim wa a’laa arwaah’ihim wa ajsaadihim wa rah’matullahi wa barakatuh.

(Reference :
Mafaateehul Jenaan)

34. When Firaun was killing the male progeny of Bani Israel and burying their women and they were put under severe troubles, Allah ordered Hazrat Moosa (a.s.) to inform the Bani Israel that before commencing any work they should recite Salwaat on Mohammad (s.a.w.a.) and his progeny. When they commenced their works with Salwaat, their works were completed easily and when they forsake reciting Salwaat they were involved in difficulties.

●Jab Firaun bani Israel ke mardo ko qatl kar raha tha aur unki aurto ko zameen mein dafn kar raha tha aur wo shadeed mushilaat mein giraftaar the, Allah (swt) ne Hazrat Musa (a.s ) ko wahi farmayi ke wo Bani Israel ko taleem dein ke jab bhi wo koi kaam shuru karna chahe to usse pahle Mohammad (s.a.w.a.) aur unke Ahlebayt (a.s.) per salwat padhe. Jab wo apne kaam ki ibteda Salwaat se karenge to unka kaam asaani se anjaam payega aur jab wo salwat ko tark kar denge to unke kaam mein mushkilaat ayengi.

(Ref:
Abwwabo Rahmat, pg. 39)

35. The women of Bani Israel due to the fear of Firaun had left their children in the desert after reciting ten Salwaat on Mohammad (s.a.w.a.) and his progeny. Allah, the High appointed an angel to take care of them. He made milk to flow from one finger and food from another till they grew.

●Bani Israel ki aurtein Firaun ke khauf se apne bachho per 10 martaba Mohammad (s.a.w.a.) aur unke Ahlebayt (a.s.) per salwaat padh ke sehra mein chorh aati thi. Allah (s.w.t.) un bachho ki dekhbhaal ke liye ek farishte ko muqarrar karta tha. Allah (swt) un bachho ke ek ungli se sheer (doodh) aur dusri se khane ko jaari kar deta tha jab tak ke wo bade na ho jaayein.

(Ref:
Awwabo Rahmat, pg.39)

36. Rasule Khuda (saww):
Mujh par Salwaat zyada bheja karo, chaandni raat mein, raushan din mein aur Shab e Juma aur Roz e Juma 100 martaba bhejo aur agar aur zyada ho to baais e fazilat hai.
(Furoo e Kafi, v2, p230)

37. Rasule Khuda (saww):
Mujh se Jibreel ne kaha, "Aye Muhammad (saww), jo tum par Durood (Salwaat) bhejega uspar 70000 Farishte Durood bhejenge aur wo Ahl e Jannat se hoga."
(Jaame ul Akhbaar, p92)

38. Riwayat:
H. Salman ne farmaya, 'Ek din Imam Ali (as) ka ek be-aab o gayaah sehra (banjar registaan / arid desert) se guzar huwa. Raaste mein ek parinde ko dekha to oos se daryaaft kiya ke tum kitne arsey se is biyabaan mein reh rahe ho?" Parinde ne arz ki, "100 saal se". Aap (as) ne puchha, "Tere khaane peene ka bandobast kya hai?" Parinde ne arz ki, "Jab bhi bhook lagti hai aap par SALWAAT bhejta hoo'n to seyr ho jaata hoo'n, jab pyaas lagti hai to aap ke dushmano'n par LA'NAT bhejta hoo'n jis se seyraab ho jaata hoo'n'".
(Durood O Salaam Ki Barkatein, p55)

39. Riwayat:
Jab H. Adam (as) H. Hawwa ki taraf aaye to arz ki, "Aye Mere Parwardigaar, Hawwa ko mere liye halaal farma de". 
Khuda Wande Mut'aal ne farmaya, "Uska Haqq e Meher adaa karo taake usay tumhare nikah mein le aaoo'n". 
Arz ki, "Parwardigaar, mere paas to kuchh bhi nahi hai". 
To irshaad huwa, "10 martaba Muhammad (saww) aur unki Aal (as) par Salwaat bhejo". 
Phir H. Adam (as) ne 10 martaba Salwaat padhi to Khuda ne H. Hawwa ko aap par halaal kiya. 
Lihaza, agar Muhammad (saww) aur aap ki Aal e paak (as) par Salwaat H. Hawwa ka Meher ho sakti hai to Huur ul Ein ka Meher kyun nahi ho sakti?
(Durood O Salaam Ki Barkatein, p28)

40. Rasule Khuda (sawa):
Jo shakhs mujh par subah o shaam 10 - 10 martaba Salwaat padhta hai to main usay wo cheez de deta hoo'n jiski usay zarurat hoti hai.

●Holy Prophet Muhammad al Mustafa  (sawa) said:
The one who recites Salawaat on me (and my progeny )10-10 times in the morning and evening i will give him those things which he is in need of.
(Fazaael e Salwaat Aur Mushkilaat ka Hal, p61)

41. Sadqa & Salawaat on Shabe Juma
Imam Sadiq (as):
Shabe Juma aur Juma ke din SADQA dena aur SALAWAT padhna 1000 nekiyo ke barabar hai, is se 1000 buraiyan khatam hoti hai aur 1000 darjaat buland hote hai.

●Imam Sadiq (as)
Giving charity and reciting Salawat on Thursday night and on Friday is equal to 1000 virtues, it removes 1000 evil deeds and elevates your status 1000 times.
(Fazael e Salawaat)

42. Riwaayat:
Jab koi shakhs Paigambar e Akram (saww) par Salwaat bhejta hai to Aalam e Ghaib mein se munaadi nidaa deta hai, "Khudaya! Is shakhs ne 10 martaba Salwaat bheji hai". Jab ye awaaz aasmaan par pahu'nchti hai to wo Salwaat 1000 guna (1000 times) ho jaati hai. Sidrat ul Muntaha tak yehi silsila rehta hai. Jab Sidrat ul Muntaha par pahu'nchti hai to 7000 guna ho jaati hai. Phir Khuda Wande Mut'aal ek Farishte se farmata hai, "Tum Mere bande ki Salwaat ka jawaab nahi de sakte, usay Mujh par chhor do taake usay uski jazaa ataa karu'n. Uska inaam yehi hai ke uske tamaam gunaah maaf karu'n".
(Durood O Salaam Ki Barkatein, p60)

43. Rasule Khuda (saww):
Aye Ummat e Muhammad (saww)! Jab tum masaaib o alaaim mein giraftaar ho jao to Muhammad (saww) o Aale Muhammad (as) ko yaad karo taaki Allah unki barkat se oon Farishto'n ki - jo tum par muwakkil hain - Shaitano'n ke muqable mein madad farmayein.
(Aqwaal e Masoomeen (as), p162)

44. Rasule Khuda (saww):
Aye Ummat e Muhammad (saww)!
Jab tum masaaib o alaaim mein giraftaar ho jao to Muhammad (saww) o Aale Muhammad (as) ko yaad karo taaki Allah unki barkat se oon Farishto'n ki - jo tum par muwakkil hain - Shaitano'n ke muqable mein madad farmayein.
(Aqwaal e Masoomeen (as), p162)

45. Rasule Khuda (saww):
Jo shakhs bhi har roz mujh par 100 martaba Salwaat bhejta hai to wo oos waqt tak duniya se Nahi ja sakta jab tak ke Jannat mein apni jagah dekh na le.
(Fazaael e Salwaat Aur Mushkilaat ka Hal)

46. Rasule Khuda (saww):
Jo mujh par 100 baar Salwaat bhejta hai Allah uspar 1000 baar Salwaat bhejta hai aur jispe Allah 1000 baar Salwaat bheje usay Jahannum ki Aag chhu nahi sakti.
(Sharh Fazaael e Salwaat, p61)

47. Rasule Khuda (saww):
Jab koi Momin is duniya se rehlat kar jaata hai jab ke wo is duniya mein ek aisa waraq (paper) chhor gaya ho jis par Ilm e Deen ki baatein likhi ho to yahi kaagaz Qayamat ke din Aatish e Jahannum aur uske darmiyaan hifazati parda saabit hoga aur Khuda Wande Aalam uske har ek Harf (letter) ke badle duniya ki chauraayi se zyada aur jo kuchh is duniya maujood hai, oon se behtar silaa ataa farmayega.
(Nawaadirul Ahadees, v1, p95)

48. Rasule Khuda (saww):
Jo shakhs kisi kitaab ya navishte mein mere liye Salwaat likhta hai to jab tak mera naam oos kitaab mein rehta hai Farishte bargaah e Khuda mein uske liye Dua e Maghferat karte hain.
(Fazaael e Salwaat Aur Mushkilaat ka Hal, p30)

49. SALWAAT GHEEBAT SE ROKTI HAI
Riwayat:
Ek din Khuda ke kisi Wali ne H. Ilyaas (as) ya H. Khizr (as) se shikayat ki ke log gheebat karte hain aur is baare mein meri baat nahi maante aur is bure kaam se haath nahi khe'nchte. Aap farmaye ke main kya karu'n? H. Ilyaas (as) ne farmaya, "Iska ilaaj ye hai ke jab bhi aise koi aise afraad ke paas jaaya karo to ye alfaaz kaha karo, BISMILLAH HIR RAHMAAN NIR RAHIM WA SWALLALLAHU 'ALAA MUHAMMAD WA AALI MUHAMMAD. Pus, oos waqt Khuda Wande Mut'aal ek Farishta logo'n par muayyan karta hai taake jab bhi koi gheebat karne ka irada kare to wo unhe oos amal se baaz rakhega. Phir H. Khizr (as) ne farmaya, "Agar koi shakhs kisi mehfil se uthh'te waqt ye mazkura Salwaat padhe to Khuda Wande Mut'aal ek Farishte ko bhejta hai taake is mehfil waale logo'n ko is shakhs ki gheebat na karne de'n".
(Durood O Salaam Ki Barkatein, p28)

50. Imam Sadiq (as):
…Juma Musalmano'n ki Eid hai jo Eid ul Fitr aur Eid ul Qurban se bhi afzal hai. Aur 18 Zilhajj yaani Eid e Ghadeer tamaam Eido'n se afzal hai. Aur hamare Qaim e Aal e Muhammad (atfs) Juma ke din zahoor farmayenge aur Qayamat bhi Juma ke din qayam hogi. Aur Juma ki din sab se afzal amal sarkaar e Muhammad o Aal e Muhammad (as) par Durood o Salaam bhejna hai.
(Wasaail ush Shia, v5, p69)

51. Imam Sadiq (as):
Jise Haajat dar-pesh ho aur Dua maange to Dua ki ibteda mein Muhammad (saww) aur Aal e Muhammad (as) par Durood padhe aur Dua ke ikhtetaam par bhi Muhammad aur Aal e Muhammad par Durood padhe, kyun ki Allah Ta'ala ne to Durood ko har soorat mein qubool karna hai aur ye uski shaan e Karimi ke khilaaf hai ke Dua ke pehle aur aakhri hisse ko qubool kare aur darmiyaani hisse ko na-manzoor kar de.
(Tafseer Noor us Saqlain, v7, p426)

52. Rasule Khuda (saww):
In logo'n ko kya ho gaya hai ke jab unke saamne H. Ibrahim (as) ki aal ka zikr kiya jaata hai to ye khush ho jaate hain aur jab unke saamne Aal e Muhammad (as) ka zikr kiya jaata hai to unke chehre khauf-zada ho jaate hain aur unke dilo'n mein nafrat paida ho jaati hai? Mujhe qasam hai Oos Zaat ki Jiske qabza e qudrat mein Muhammad (saww) ki jaan hai, agar koi shakhs Qayamat ke roz 70 Ambiya ke barabar amal lekar bargaah e Khuda mein haazir hoga aur uske dil mein meri aur mere Ahlebait (as) ki Wilayat na hogi to uska koi amal bhi qubool nahi kiya jayega.
(Amaali - Shaikh Toosi, v1, p367)
(Amaali - Shaikh Mufeed, p190)

53. Imam Kazim (as):
se puchha gaya ke, "Allah Ta'ala, Uske Farishto'n aur Momino'n ki Salwaat se kya muraad hai?"
Aap (as) ne farmaya, "Allah ki Salwaat Uska Rehmat naazil karna hai, Farishto'n ki Salwaat unka tahaarat aur paakizgi ka ailaan hai aur Momino'n ki Salwaat unke liye Dua hai".
(Irshadaat e Masumeen (as), p110)

54. Imam Ali (as):
Gunaaho Ko Khatm Karne Ke Liye SALWAAT Bhejnaa Goyaa Paani Ke Zariye Aag Bhujaane Se Zyaadaa Behtar Hai.
(Sawaabul Aamaal Wa Aqaabul Aamaal. Shekh Suduq (a.r) Page - 184).

🌺 اللھم عجل لولیک الفرج(ع)

اَللَّهُمَّ صَلِّ عَلى مُحَمَّدٍ وَّآلِ مُحَمَّدٍ وَّعَجِّلْ فَرَجَهُمْ وَالْعَنْ أَعْدَائَهُمْ اَجْمَعِيْن

Conversation between fourth Imam Zaynul Abideen (as) and Shibli

Conversation between fourth Imam Zaynul Abideen (as) and Shibli:  A must for those planning to go for Hajj When the fourth Imam Zaynul Abideen (as) returned from Hajj,  Shibli came to meet him.  They engaged in the following conversation: Imam Zaynul Abideen (as): Did you go for Hajj O Shibli? Shibli: Yes O son of the Messenger of Allah. Imam Zaynul Abideen (as): Did you stop at the Miqat (Miqat are the stations at which pilgrims on the Hajj, the pilgrimage to Makkah, put on Ihram, the pilgrim's garment) and put away the sewn clothes and perform the sacred bath? Shibli: Yes Imam Zaynul Abideen (as): When you stopped at Miqat did you make the intention that you are taking off the clothes of disobedience and putting on the clothes of obedience? Shibli: No Imam Zaynul Abideen (as): And when you had taken off your sewn clothes did you make the intention that you had taken off hypocrisy and entering dubious acts? Shibli: No Imam Zaynul Abideen (as): And when you took the bath did you have the intention that you are washing yourself from all sins and errors? Shibli: No Imam Zaynul Abideen (as): You did not stop at Miqat, nor did you take off sewn clothes nor did you perform the sacred bath. Imam Zaynul Abideen (as): Did you cleanse yourself and put on Ihram and fulfill your covenant of Hajj? Shibli: Yes Imam Zaynul Abideen (as): When you did this did you have the intention that you are cleaning yourself with the nurah of the sincere repentance to Almighty Allah (SWT) the most high? Shibli: No Imam Zaynul Abideen (as): When you put on the Ihram did you have the intention that you are forbidding yourself everything that Almighty Allah (SWT) has forbidden? Shibli: No Imam Zaynul Abideen (as): When you fulfilled the covenant of Hajj did you have the intention that you have nullified all other covenants with other than Allah (SWT)? Shibli: No Imam Zaynul Abideen (as): You did not cleanse yourself nor did you put on the Ihram nor did you fulfill the covenant of hajj. Imam Zaynul Abideen (as): Did you enter the Miqat and pray the two Rakats of the Ihram and did you chant Talbiyah? Shibli: Yes Imam Zaynul Abideen (as): When you entered the Miqat, did you make the intention of entering as a visitor? Shibli: No Imam Zaynul Abideen (as): When you prayed the two Rakats did you make the intention that you are trying to get closer to Allah (SWT) with the best of acts from the prayers and the biggest of good deeds from the acts of worship? Shibli: No Imam Zaynul Abideen (as): When you chanted the Talbiyah did you have the intention that you were talking to almighty Allah (SWT) with all obedience and keeping quiet from all disobedience? Shibli: No Imam Zaynul Abideen (as): You did not enter Miqat nor did you pray nor did you chant the Talbiyah. Imam Zaynul Abideen (as): Did you enter the Haram and did you see the Holy Kaaba and did you pray there? Shibli: Yes Imam Zaynul Abideen (as): When you entered the Haram did you have the intention that you were prohibiting on yourself all backbiting of all the Muslims from the Nations of Islam? Shibli: No Imam Zaynul Abideen (as): And when you reached Makka did you make the intention with your heart that you had come to Almighty Allah (SWT)? Shibli: No Imam Zaynul Abideen (as): You have neither entered Haram nor seen the Holy Kaaba nor prayed. Shibli: No Imam Zaynul Abideen (as): Did you go round the house and did you touch the Rukn and did you make Saee? Shibli: Yes Imam Zaynul Abideen (as): And when you did the Saee did you have the intention that you were running towards Almighty Allah (SWT) and did Allah (SWT) the knower of all secrets know this? Shibli: No Imam Zaynul Abideen (as): You did not go round the house nor did you touch Rukn nor did you make Saee. Imam Zaynul Abideen (as): Did you touch the Hajar al-Aswad (The Black Stone) and did you stand at the Maqam Ibrahim (Station of Abraham) and did you pray two Rakats on it? Shibli: Yes Here the Imam Zaynul Abideen (as) gave a scream as if he was about to leave this world saying Ah! Ah! Whoever touches the black stone it is as if he has shaken hands with Almighty Allah (SWT). So Look O poor chap that you do not destroy the reward of something whose sacredness has been made very great and you do not spoil your Handshake by disobedience and by grasping evil like the sinners. Then Imam Zaynul Abideen (as) asked: Did you have the intention when you were standing on Maqam Ibrahim (Station of Abraham) that you were are standing on every obedience and that you have put behind you all disobedience? Shibli: No Imam Zaynul Abideen (as): When you prayed two Rakats there did you make the intention that you are praying the prayers of Ibrahim and that you are humiliating Shaitan with your prayers? Shibli: No Imam Zaynul Abideen (as): You did not stand on Maqam Ibrahim (Station of Abraham) nor did you pray two Rakats on it. Imam Zaynul Abideen (as): Did you look over the well of Zamzam and did you drink from its water? Shibli: Yes Imam Zaynul Abideen (as): Did you have the intention when you were looking over the well that you looking at obedience to Almighty Allah (SWT) and closing your eyes from all disobedience? Shibli: No Imam Zaynul Abideen (as): You did not look over it nor did you drink from its water. Imam Zaynul Abideen (as): Did you run between Safa and Marwa and did you walk between it repeatedly? Shibli: Yes Imam Zaynul Abideen (as): Did you have the intention that you were between hope and fear? Shibli: No Imam Zaynul Abideen (as): You did not run between Safa and Marwa. Imam Zaynul Abideen (as): Did you go out to Mina? Shibli: Yes Imam Zaynul Abideen (as): Did you have the intention that every Muslim was safe from your tongue, your heart and you? Shibli: No Imam Zaynul Abideen (as): You did not go out to Mina. Imam Zaynul Abideen (as): Did you stay a short time at Arafa and did you climb Jabal al-Rahma and did you recognize the wadi of Namira and did to supplicate to Almighty Allah (SWT) near al-Mil and al-Jamaraat? Shibli: Yes Imam Zaynul Abideen (as): Did you conceive by your stay in Arafa the gnosis (Irfan) of Almighty Allah (SWT) and the knowledge of good things and acts; and did you conceive that your book of deeds was in the hands of Allah (SWT) and that Allah (SWT) had full knowledge of your secrets and what is in your heart? Shibli: No Imam Zaynul Abideen (as): And when you climbed the Jabal al-Rahma did you have the intention that Almighty Allah (SWT) may have mercy on all believing men and all believing women and that He will help all Muslim men and women? Shibli: No Imam Zaynul Abideen (as): Did you have the intention at wadi of Namira that you would not enjoin good until you practice it yourself and you would not forbid evil until you leave it yourself? Shibli: No Imam Zaynul Abideen (as): And when you stopped at al-Mil and al-Jamaraat did you have the intention that they were witnessing all your acts of worship and that they were guarding you together with guardian angels by the order of Almighty Allah (SWT)? Shibli: No Imam Zaynul Abideen (as): Then you did not stay at Arafat nor did you go up the Mountain of Mercy nor did you recognize the wadi of Namirah nor did you supplicate to Almighty Allah (SWT). Imam Zaynul Abideen (as): Did you pass between the two columns pray two Rakats before crossing; go to Muzdalifah pick up pebbles and cross the Mash'arul Haram? Shibli: Yes Imam Zaynul Abideen (as): When you prayed the two Rakats, did you have the intention that you were praying the prayer of thanksgiving within the ten nights which removes every hardship and facilitates every ease? Shibli: No Imam Zaynul Abideen (as): At the time of passing between the two columns without deviating to the right or the left did you have the intention that you would never deviate from the true religion to the right or the left neither with your heart, tongue nor with your limbs? Shibli: No Imam Zaynul Abideen (as): When you walked through Muzdalifah and picked up the pebbles did you have the intention that you have plucked all acts of disobedience and ignorance and that you had affirmed knowledge and action? Shibli: No Imam Zaynul Abideen (as): Then when you walked in the Mash'arul Haram did you have the intention that you had embossed your heart with the identification of those who have Taqwa and fear of Almighty Allah (SWT) the Most High? Shibli: No Imam Zaynul Abideen (as): Then you did not pass between the two columns nor did you pray the two Rakats, nor walked into Muzdalifah, nor picked up the pebbles nor walked in the Mash'arul Haram. Imam Zaynul Abideen (as): Did you arrive at Mina, throw stones at the Jamarah and did you shave your head and slaughter the sacrifice and did you pray in Masjid al-Kheef and did you return to Makkah and perform the Tawaf of Ifadha (return) to Makkah? Shibli: Yes Imam Zaynul Abideen (as): When you reached Mina and pelted the Jamarah did you have the intention that you have attained your goal and your Lord has fulfilled all your needs? Shibli: No Imam Zaynul Abideen (as): And when you pelted the Jamarah did you have the intention that you had pelted your enemy Iblees and by completing this precious Hajj you had disobeyed him? Shibli: No Imam Zaynul Abideen (as): And when you shaved your head did you have the intention that you had cleansed yourself from all filth and from all the injustice of the children of Adam and that you had purified yourself from sin just like a new born baby. Shibli: No Imam Zaynul Abideen (as): And when you slaughtered your hadiya did you have the intention that you are cutting the artery of greed by holding fast to the reality of piety and that you are following the tradition of Prophet Ibrahim / Abraham (as) when he was prepared to slighter his son, the fruit of his heart, through which he established the Sunna of gaining nearness to Almighty Allah (SWT) for those who came after him? Shibli: No Imam Zaynul Abideen (as): And when you returned to Makka and did the Tawaaf of Ifadha did you have the intention that you had come back with the Mercy of Almighty Allah (SWT) to His obedience and that you had clasped His love that you had performed your duty to Him and had gained nearness to him? Shibli: No Imam Zaynul Abideen (as): Then you did not reach Mina nor did you pelt the Jamaraat nor did you shave your head nor did you slaughter the hadiya nor did you pray in the Masjid Al-Kheef nor did you return to Makkah and perform the Tawaaf of Ifadha. Go back because you have not performed Hajj! Having heard all this Shibli started to cry because of what he had missed in his Hajj and he continued to learn the secrets of Hajj until he could perform the Hajj through knowledge and understanding.